𝐀𝐒𝐎𝐒𝐈𝐀𝐒𝐀𝐔𝐍 𝐅𝐄𝐓𝐎 𝐋𝐀𝐔𝐓É𝐌 𝐏𝐑𝐌𝐎𝐕𝐄 𝐅𝐄𝐓𝐎 𝐏𝐎𝐓𝐄𝐍𝐒𝐈Á𝐋 𝐋𝐈𝐔 𝐇𝐔𝐒𝐈 𝐅𝐎𝐑𝐌𝐀𝐒𝐀𝐔𝐍 𝐋𝐈𝐃𝐄𝐑𝐀𝐍𝐒𝐀

Lospalos rcl vp 24-08-2026= Asosiasaun Feto Lautém (AFEL) hala’o formasaun ba feto potensiál sira iha Munisípiu Lautém, ho objetivu atu hasa’e sira nia koñesimentu, kapasidade no lideransa, nune’e bele prepara an atu partisipa iha Prosesu Desentralizasaun no podér lokál iha futuru, iha Salaun Enkontru Cafetaria Yayasan Seraphine ADM, Lospalos.

NO  Tema ba formasaun “𝐏𝐫𝐨𝐦𝐨𝐯𝐞 𝐧𝐨 𝐇𝐚𝐤𝐛𝐢’𝐢𝐭  𝐊𝐚𝐩𝐚𝐬𝐢𝐝𝐚𝐝𝐞 𝐅𝐞𝐭𝐨 𝐋𝐢𝐮 𝐇𝐮𝐬𝐢 𝐅𝐨𝐫𝐦𝐚𝐬𝐚𝐮𝐧 𝐋𝐢𝐝𝐞𝐫𝐚𝐧𝐬𝐚 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐯𝐚 𝐇𝐨𝐝𝐢 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐏𝐫𝐨𝐬𝐞𝐬𝐮 𝐃𝐞𝐬𝐞𝐧𝐭𝐫𝐚𝐥𝐢𝐳𝐚𝐬𝐚𝐮𝐧 𝐧𝐨 𝐏𝐨𝐝é𝐫 𝐋𝐨𝐤á𝐥.”

Reprezentante Prezidente Autoridade Munisipál Lautém, ne’ebé mós Sekretáriu Munisipál ba Assuntu Sosiais no Organizasaun Komunitária, Fransisco do santos , iha ambertura formasaun ne’e hateten, formasaun ne’e importante tebes tanba prepara feto sira atu aumenta sira nia kapasidade no koñesimentu, liu-liu atu bele hola parte iha prosesu podér lokál iha futuru.

‘’ Formasaun ne’e importante tebes tanba prepara feto sira atu aumenta sira nia kapasidade no koñesimentu, liu-liu atu bele hola parte iha prosesu podér lokál iha futuru,tamba ne’e  hau  enkoraja nafatin ba feto potensiál sira iha Munisípiu Lautém atu komesa prepara an husi agora, liu-liu iha área lideransa no kapasidade, atu bele kontribui no partisipa iha prosesu dezenvolvimentu no preparasaun ba 𝐄𝐥𝐞𝐢𝐬𝐚𝐮𝐧 𝐊â𝐦𝐚𝐫𝐚 𝐌𝐮𝐧𝐢𝐬𝐢𝐩á𝐥 iha futuru,No hau  mós husu ba partisipante sira atu fó atensaun durante formasaun, liu-liu bainhira formadora sira aprezenta matéria, nune’e koñesimentu ne’ebé hetan bele  Aumenta sira nia kapasidade.

Reprezentante Sekretária Estadu ba Igualdade (SEI), Avia Brito de ArauJo costa mos hateten nia parte hato’o apresiasaun ba AFEL tanba kontinua kria espasu ba feto sira iha Munisípiu Lautém atu dezenvolve sira nia kapasidade no lideransa.

‘’Hau hato’o apresiasaun ba AFEL tanba kontinua kria espasu ba feto sira iha Munisípiu Lautém atu dezenvolve sira nia kapasidade no lideransa,tamba formasaun ne’e la’ós de’it  atu fó koñesimentu kona-ba lideransa, maibé mós atu prepara feto sira atu sai 𝐚𝐣𝐞𝐧𝐭𝐞 𝐦𝐮𝐝𝐚𝐧𝐬𝐚 𝐢𝐡𝐚 𝐟𝐚𝐦í𝐥𝐢𝐚, 𝐤𝐨𝐦𝐮𝐧𝐢𝐝𝐚𝐝𝐞, 𝐬𝐨𝐬𝐢𝐞𝐝𝐚𝐝𝐞 𝐧𝐨 𝐧𝐚𝐬𝐚𝐮𝐧.tamba preparasaun feto sira importante tebes atu bele partisipa ativu iha prosesu desentralizasaun administrativa no podér lokál iha futuru.

Entertantu:Partisipante sira inklui estrutura AFEL, reprezentante SEI, formadora husi konsulente, feto potensiál ne’ebé kaer kargu xefia, feto husi ONG, feto emprezária, feto husi partidu polítiku, no feto husi suku no aldeia sira iha Munisípiu Lautém.

Jornalista;silisy

Editor;El