𝐃𝐄𝐙𝐀𝐌𝐈𝐍𝐀𝐒𝐀𝐔𝐍 𝐊𝐎𝐍𝐀-𝐁𝐀 𝐏𝐀𝐏É𝐋 𝐃𝐄𝐅𝐄𝐍𝐒𝐎𝐑𝐈𝐀 𝐏Ú𝐁𝐋𝐈𝐊𝐀 𝐇𝐎𝐃𝐈 𝐏𝐑𝐄𝐕𝐄𝐍𝐄 𝐕𝐈𝐎𝐋É𝐍𝐒𝐈𝐀 𝐁𝐀𝐙𝐄𝐈𝐀 𝐁𝐀 𝐉É𝐍𝐄𝐑𝐔 imoprntate 𝐈𝐇𝐀 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌

Ekipa Defensoria Públika ne’ebé lidera husi Defensora Públika Jerál-Adjunta (DPJ-A) 𝐃𝐫𝐚. 𝐌𝐚𝐫𝐜𝐢𝐚 𝐌𝐚𝐫𝐢𝐚 𝐅𝐢𝐥𝐢𝐩𝐞 𝐒𝐚𝐫𝐦𝐞𝐧𝐭𝐨, Defensoria Públika CPLP husi Brazil, Providor Koordenador Defensor Públiku Munisípiu Baucau hala’o dezaminasaun papél importante Defensoria Pública nian ba Diretor/a Servisu Munisipál, Diretora/a Delegasaun Teritorial, Administrador Postu Administrativu, Xefe Departamentu, lider Komunitária, Organizasaun Naun Governamentais no entidade sira oinsá atu prevene Violensia Bazeia ba Jeneru iha Munisipiu Lautem, iha salaun Administrasaun Autoridade Munisipál Lautém.

Prezidente Autoridade Munisipál Lautém interinu, 𝐙𝐞𝐟𝐞𝐫𝐢𝐧𝐨 𝐃𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚 husu partisipante sira ne’ebé partisipa dezaminasaun ida ne’e tenke partisipa didi’ak atu nune’e bele hatene no entende ba matéria ne’ebé defensór/a) publika atu fó relasiona infrenta kazu ruma.

‘’ hau husu  ba  partisipante sira ne’ebé partisipa dezaminasaun ida ne’e tenke partisipa didi’ak atu nune’e bele hatene no entende ba matéria ne’ebé defensór/a) publika atu fó relasiona infrenta kazu ruma,Tanba ida ne’e   Partisipantes  sira tenke  aproveita oportunidade ida ne’e tenke ativu to’o remata, nune’e futuru hasoru problema ruma mak laiha kbiit atu selu defensór privadu bele husu apoiu ba defensór públiku, tanba estadu estabelese defensór públiku atu defende sidadaun hotu-hotu ne’ebé presiza sira nia asisténsia.no partisipasaun sira ne’ebé iha ne’e reprezenta komunidade sira, tanba partisipante sira mai husi Administrador Postu, Lider Komunitaria, Organizasaun Naun Governamentais no entidade oioin, nune’e bele rona didi’ak no bele alista ba asuntu ne’ebé importante fila bele informa tutan ba komunidade sira, tanba komunidade sira ne’ebé hela iha área remotas la hatene oinsá atu asesu kona-ba justisa nian.

Iha fatin hanesan, Defensora Públika Jerál-Adjunta (DPJ-A)  𝐃𝐫𝐚. 𝐌𝐚𝐫𝐜𝐢𝐚 𝐌𝐚𝐫𝐢𝐚 𝐅𝐢𝐥𝐢𝐩𝐞 𝐒𝐚𝐫𝐦𝐞𝐧𝐭𝐨 haktuir, objetivu ba dezaminasaun ida ne’e  atu fahe informasaun kona-ba papél Defensoria Publika, Diretu Labarik sira nia perigu relasiona ho atuasaun defensoria publika nian no Violensia Bazeia ba Jeneru. Ne’ebé mai ho Defensoria Publika Timor nian no Defensoria Publika husi Brazil, ne’ebé sei esplika matéria kona-ba violénsia bazeia ba jéneru.

‘’ objetivu ba dezaminasaun ida ne’e  atu fahe informasaun kona-ba papél Defensoria Publika, Diretu Labarik sira nia perigu relasiona ho atuasaun defensoria publika nian no Violensia Bazeia ba Jeneru. Ne’ebé mai ho Defensoria Publika Timor nian no Defensoria Publika husi Brazil, ne’ebé sei esplika matéria kona-ba violénsia bazeia ba jéneru tamba  tinan ida ne’e programa dezaminasaun iha Munisípiu 5 mak hanesan, Munisípiu Lautém, Manatuto, Ainaro, Manufahi, no Vikeke maibé la taka dalan programa ida ne’e sei alarga tan ba iha Postu Administrativu sira atu nune’e komunidade sira bele asesu lala’ok papél defensoria publika.

Entertantu: Programa ne’e realiza tanba Defensoria Públika TL mós iha kooperasaun di’ak ho Defensoria Públika Brazil tanba iha sistema ne’ebé hanesan hodi bele fó apoiu malu.

Jornalista;syli

Editor;El