𝐄𝐍𝐊𝐎𝐍𝐓𝐑𝐔 𝐊𝐎𝐍𝐀-𝐁𝐀 𝐅𝐄𝐒𝐓𝐈𝐕𝐀𝐋 𝐅𝐑𝐎𝐍𝐓𝐄𝐈𝐑𝐀 𝐁𝐀 𝐃𝐀𝐋𝐀 𝟒 𝐒𝐄𝐈 𝐇𝐀𝐋𝐀’𝐎 𝐈𝐇𝐀 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌

Lospalos rcl vp 22-09-2026= Sekretaria Estadu Arte no Kultura (SEAK), hamutuk ho Centru Nasionál Chega! (CNC), hala’o enkontru  koordenasaun ho Autoridade Munisipál Lautém kona-ba preparasaun atividade Festival Fronteira ba dala 4 nian , ne’ebé sei hala’o iha Munisípiu Lautém.

Enkontru ne’e nia objetivu mak atu asegura koordenasaun entre instituisaun sira, nune’e  actividade Festival Fronteira bele hala’o ho di’ak no tuir preparasaun ne’ebé planeadu.

Prezidente Autoridade Munisipál Lautém, 𝗠é𝗹𝗶𝗼 𝗱𝗲 𝗝𝗲𝘀𝘂𝘀, hateten katak Autoridade Munisipál Lautém nia papel mak tama nu’udar parte husi Komisaun Organizadora Festival Fronteira, liu-liu iha aspetu tékniku no apoiu nesesáriu hodi asegura atividade ne’e bele la’o ho di’ak no remata ho susesu.

‘’ Autoridade Munisipál Lautém nia papel mak tama nu’udar parte husi Komisaun Organizadora Festival Fronteira, liu-liu iha aspetu tékniku no apoiu nesesáriu hodi asegura atividade ne’e bele la’o ho di’ak no remata ho susesu, no  hau mos  husu ba Administradór Postu Administrativu Lautém atu halo preparasaun ho di’ak, tamba atividade ne’e la’ós responsabilidade instituisaun ida de’it. Maibe Parte téknika husi SEAK no CNC sei akompaña no halo koordenasaun servisu, inklui kona-ba preparasaun fatin atividade, mobilizasaun joven sira no partisipasaun iha dansa kulturál.

Prezidente Autoridade Munisipál Lautém mós hateten katak, Festival Fronteira importante atu promove jerasaun foun sira, atu sira bele aprende no komprende istória no kultura pasadu nian.

‘’ Festival Fronteira importante atu promove jerasaun foun sira, atu sira bele aprende no komprende istória no kultura pasadu nian. Tanba ne’e, hau  sujere ba kada Administradór Postu Administrativu atu hahú ona prosesu treinamentu ba joven sira, liu-liu iha dansa kulturál tradisionál sira ne’ebé iha risku atu lakon se la preserva no promove ba jerasaun foun.

 Sekretáriu Estadu Arte no Kultura, Jorge Soares Cristóvão, mós esplika kona-ba importánsia koordenasaun servisu entre instituisaun sira atu preparasaun Festival Fronteira bele hala’o ho di’ak.

‘’ kona-ba importánsia koordenasaun servisu entre instituisaun sira atu preparasaun Festival Fronteira bele hala’o ho di’ak.tamba atividade ne’e sei hala’o liu husi servisu hamutuk entre Ministériu Juventude, Desportu, Arte no Kultura, Centru Nasionál Chega! (CNC) no Ministériu Administrasaun Estatál (MAE), ho apoiu husi Autoridade Munisipál Lautém no parte relevante sira seluk.no  Atividade ne’e mos espera bele sai espasu ida atu hametin koordenasaun entre instituisaun sira, promove  kultura no dansa tradisionál, no fó oportunidade ba jerasaun foun atu aprende no preserva patrimóniu istóriku no kulturál Timor-Leste nian.

Entertantu:Festival Fronteira ba dala 4  ne’e sei hala’o iha Munisípiu Lautém tanba Lautém nu’udar territóriu fronteira ho nasaun vizinhu sira iha parte tasi sorin, ne’ebé mós sei partisipa iha atividade Festival Fronteira ida ne’e.

Jornalista;ersy

Editor;El