𝗔𝗨𝗧𝗢𝗥𝗜𝗗𝗔𝗗𝗘 𝗠𝗨𝗡𝗜𝗦𝗜𝗣Á𝗟 𝗟𝗔𝗨𝗧É𝗠 𝗛𝗔𝗠𝗨𝗧𝗨𝗞 𝗛𝗢 𝗦𝗘𝗞𝗥𝗘𝗧Á𝗥𝗜𝗨 𝗘𝗦𝗧𝗔𝗗𝗨 𝗔𝗥𝗧𝗘 𝗡𝗢 𝗞𝗨𝗟𝗧𝗨𝗥𝗔 𝗡𝗢 𝗖𝗡𝗖 𝗛𝗔𝗟𝗔’𝗢 𝗢𝗕𝗦𝗘𝗥𝗩𝗔𝗦𝗔𝗨𝗡 𝗝𝗘𝗥Á𝗟 𝗕𝗔 𝗙𝗔𝗧𝗜𝗡 𝗦𝗘𝗥𝗜𝗠Ó𝗡𝗜𝗔 𝗙𝗘𝗦𝗧𝗜𝗩𝗔𝗟 𝗙𝗥𝗢𝗡𝗧𝗘𝗜𝗥𝗔 𝗜𝗛𝗔 𝗦𝗨𝗞𝗨 𝗖𝗢𝗠

^{Lospalos rcl vp 31-10-2026= Prezidente Autoridade Munisipál Lautém hamutuk ho Sekretáriu Estadu Arte no Kultura, Diretór Ezekutivu Sentru Nasionál Chega! (CNC), reprezentante Ministériu Administrasaun Estatál ekipa téknika sira no ekipa lojístika Munisipál, hala’o observasaun jerál ba fatin serimónia Festival Fronteira nian iha Suku Com, Munisípiu Lautém.}

^{Durante atividade observasaun ne’e, Prezidente Autoridade Munisipál Lautém melio de jesus  orienta diretamente ekipa téknika sira atu halo verifikasaun ba fatin importante sira ne’ebé sei uza durante festival, inklui palku prinsipál, fatin ba stán, área gastronomia no fatin fa’an produtu lokál sira.}

^{Aleinde ne’e, ekipa téknika sira mós halo observasaun ba fasilidade públika sira, inklui sentina públika no sistema fornese bee, hodi identifika nesesidade ba hadi’a no asegura katak fasilidade sira ne’e bele atende nesesidade partisipante no visitante sira durante eventu.}

^{Iha parte seluk, Prezidente Autoridade Munisipál Lautém, hamutuk ho Sekretáriu Estadu Arte no Kultura no Diretór Ezekutivu CNC, mós observa área ne’ebé sei prepara ba simu visitante sira, hodi asegura katak fatin sira ne’e prepara ho di’ak no bele suporta implementasaun Festival Fronteira.}

^{Entertantu :Observasaun jerál ne’e importante atu asegura preparasaun ba fatin no fasilidade sira, hodi nune’e Festival Fronteira iha Suku Com bele hala’o ho organizasaun di’ak, seguru no fó kondisaun favorável ba partisipante, visitante no komunidade lokál sira.}

^{Jornalista;sili}

^Editor;EL