Lospalos rcl vp 26-01-2026=Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆 ne’ebé akompaña ho ekipa Political Counsellor, 𝗜𝘀𝗵𝘁𝗶𝗮𝗾 𝗚𝗵𝗮𝗳𝗼𝗼𝗿 no Political Officer for Timor-Leste, 𝗞𝗲𝗻𝘇𝗶𝗲 𝗥𝘆𝘃𝗮𝗻𝘁𝘆𝗮, hala’o audiensia ho Autoridade Munisipíu Lautém iha Sala VIP Administrasaun Autoridade Munisipál Lautém.
Prezidente Autoridade Munisípiu Lautém, 𝗦𝗿. 𝗠é𝗹𝗶𝗼 𝗱𝗲 𝗝𝗲𝘀𝘂𝘀, 𝗦𝗛, lori Autoridade Munisípiu Lautém hamutuk ho Povu Munisípiu Lautém hato’o Bem-Vindu ba Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆 ho nia ekipa mai iha Munisípiu Lautém.
Prezidente Autoridade Munisípiu Lautém mós husu apoiu ba Embaixadór United Kingdom (UK) ba Timor-Leste no Indonesia relasiona ho setór Investimentu iha área Turísmu no Agrikultura nian iha Munisípiu Lautém, oinsa atu dezenvolve iha futuru, tanba Munisípiu Lautém prinsipál liu mak potensiál Agrikultura no Turízmu. No fó formasaun hodi kapasita Rekursu Umanu sira iha área Administrasaun Públiku nian
‘’Hau lori Povu Munisípiu Lautém nia naran agradese ba rai nasaun Reinu Unidu nian ne’ebé simu Timor oan sira liuliu sidadaun Munisípiu Lautém nian ba servisu iha Reinu Unidu. ne’ebé maioria husi sidadaun Munisípiu Lautém kuaze 9 míl resin mak hela iha Inglatera hodi servisu, durante servisu iha rai liur bele osan hodi suporta ekonomia família, tanba ida ne’e Prezidente Autoridade Munisípiu Lautém husu ba Embaixador United Kingdom (UK) ba Timor-Leste no Indonesia bele tau matan ba sidadaun Timor oan sira liuliu ba sidadaun Munisípiu Lautém nian. No hau mos husu apoiu ba Embaixadór United Kingdom (UK) ba Timor-Leste no Indonesia relasiona ho setór Investimentu iha área Turísmu no Agrikultura nian iha Munisípiu Lautém, oinsa atu dezenvolve iha futuru, tanba Munisípiu Lautém prinsipál liu mak potensiál Agrikultura no Turízmu. No fó formasaun hodi kapasita Rekursu Umanu sira iha área Administrasaun Públiku nian’’
Iha fatin hanesan Embaissadór, United Kingdom (UK) ba Timor-Leste no Indonesia, 𝗗𝗼𝗺𝗶𝗻𝗶𝗰 𝗝𝗲𝗿𝗺𝗲𝘆, agradese ba Autoridade Munisípiu Lautém ne’ebé bele husik sidadaun Munisípiu Lautém nian kuaze 9 Mil resin ba servisu iha Reinu Unidu, hodi haruka mai familia iha Timor hodi sustenta familia ekonomia no suporta familia nia estudu.
Enkuantu Sidadaun Timor oan ne’ebé servisu iha Reinu Unidu hamutuk 33 Mil resin, husi ne’e maioria husi sidadaun Munisípiu Lautém nian, ne’ebé haruka osan mak hodi apoiu ekonomia familiár nune’e mós bele esperiénsia iha servisu fatin.
Embaixadór Reinu Unidu salienta Reinu Unidu mós oferese programa Bolsu Estudu ba Timor oan sira atu ba kontinua estudu iha Reinu Unidu. tanba ida ne’e Embaixadór Reinu Unidu komprometidu sei servisu hamutuk ho Autoridade Munisípiu Lautém kona-ba área Agrikultura nian iha área Turísmu.
‘’hau hatoo hau nia agradese ba Autoridade Munisípiu Lautém ne’ebé bele husik sidadaun Munisípiu Lautém nian kuaze 9 Mil resin ba servisu iha Reinu Unidu, hodi haruka mai familia iha Timor hodi sustenta familia ekonomia no suporta familia nia estudu. No alende ne’e Reinu Unidu mós oferese programa Bolsu Estudu ba Timor oan sira atu ba kontinua estudu iha Reinu Unidu. tanba ida ne’e Embaixadór Reinu Unidu komprometidu sei servisu hamutuk ho Autoridade Munisípiu Lautém kona-ba área Agrikultura nian iha área Turísmu’’
Jornalista;sili
Editor;El
