Lospalos rcl vp 13-11-2025=Povu Munisípiu Lautém, halao Misa Agradesimentu ba selebra loron nasional Juventude bad ala XX no Komemora Masakre Santa Kruz ba d ala XXXIV hodi fo onra ba joventude sira nebe mak sakrifika aan ba rai ida ne’e , iha Igreja são paulo lospalos .
Iha Homily Misa Agradesimentu ne’e, Padre cesar Joaquim da costa SDB hateten sarani sira iha timor leste tenki aten brani hodi dejenvove ba rai ne’e hodi bele lao ba oin.
‘’Hau sublinha deit lia fuan husi são Paulo segunda leitura nee hateten sarani sira tenki aten brani hodi dejenvove ba rai ne’e hodi bele lao ba oin’’ hateten Padre cesar Joaquim da costa SDB iha Igreja são paulo lospalos quarta feira 1211-2025
Prezidente Autoridade Munisípiu Lautém, melio de Jesus mos , hateten, loron 12 Novembru ba loron Juventude, ne’ebé Estadu no Governu deside sai nu’udar loron nasionais ba Juventude sira, tamba loron 12 Novembru mak ita nia Juventude Loriku Aswain sira ho aten-barani hasoru okupante Indonesia nian no hetan Masakre Santa Kruz Díli.
‘’ ohin loron 12 Novembru ba loron Juventude, ne’ebé Estadu no Governu deside sai nu’udar loron nasionais ba Juventude sira, tamba loron 12 Novembru mak ita nia Juventude Loriku Aswain sira ho aten-barani hasoru okupante Indonesia nian no hetan Masakre Santa Kruz Díli.Tamba ida ne’e, tuir orientasaun husi Ministériu Administrasaun Estatal (MAE) kada Munisípiu inklui Munisípiu Lautém selebra loron 12 Novembru ida ne’e nu’udar loron Juventude sira nian, ne’ebé Autoridade Munisípiu Lautém organiza Misa Agradesimentu no kontinua Kari Ai Funan ba fatin sira ne’ebé identifika nu’udar fatin Masakre iha tempu Okupasaun Indonezia nian’’ Dehan Prezidente Autoridade Munisípiu Lautém, melio de Jesus
Prezidente Autoridade Munisípiu Lautém mos hateten tan liu Misa Agradesimentu ne;e , kontinua hodi halo Kari Funan iha fatin Masakre nian iha Fuiloru Asrama Madre sira nia kotuk, tamba fatin refere uaze ema na’in 9 mak hetan torturasaun no oho husi militar Indonesia, enkuantu ema na’in 9 ne’e na’in 7 mai husi Suku Mehara no na’in rua seluk pertense husi Postu Lospalos nian.
‘’ liu Misa Agradesimentu ne;e , ita kontinua hodi halo Kari Funan iha fatin Masakre nian iha Fuiloru Asrama Madre sira nia kotuk, tamba fatin ida ne’e uluk momentu 1979 kuaze ema na’in 9 mak hetan torturasaun no oho husi militar Indonesia, enkuantu ema na’in 9 ne’e na’in 7 mai husi Suku Mehara no na’in rua seluk pertense husi Postu Lospalos nianHo nune’e, ohin ita mai Kari Funan no Sunu lilin iha ne’e nu’udar sentidu Domin hodi fó Ondra no Omenajen sira ne’ebé sakrifísiu tomak ba rai ne’e ninia liberdade atu nune’e sira bele hetan Gloria iha Maromak nia sorin kuana. Ho nune’e ne’e hau fó mensajen espesial ba Juventude sira iha Munisípiu Lautém, atu tau nafatin espiritu nasionalista patriotismu atu banate tuir Heroi sira ne’ebé mate ba rai ne’e, ne’ebé ninia dalan ne’ebé sira sakrifika sira nia an rasik no Vontade popular atu liberta Povu no rai ne’e.no husu ba Juventude sira iha Munisípiu Lautém, atu hamutuk hodi kria Unidade, Amizade, Paz, Estabilidade no nafatin espiritu ne’ebé Aswain sira halo durante sira nia luta ba liberdade rai ne’e, nune’e nafatin akompaña ita hamutuk ita servi ita nia Povu iha Munisípiu Lautém ba prosesu Konstrusaun prospriedade Povu Munisípiu Lautém’’ hateten Prezidente Autoridade Munisípiu Lautém, melio de Jesus
Entertantu :Hafoin remata Sunu Lilin no Kari Ai Funan, Povu Munisipiu Lautém hamutuk ho ho autoridade Munisipio laut’em no sosidade sivil no lider komunitario sira hodi halo reflesaun konta historia hodi relembra loron 12 de Novembru nian nune’e mos iha aktividade divertimentu
Jornalista;silisi
Editor;El
