Lospalos rcl vp 24-08-2026= Autoridade Inspesaun no Fiskalizasaun ba Actividade Ekonómika, Sanitária no Alimentar, Instituto Públiku (AIFAESA, I.P.), hala’o enkontru ho Autoridade Munisipál Lautém atu aprezenta planu servisu destakamentu membru no ekipa AIFAESA iha Munisípiu Lautém,iha Salaun Administrasaun Autoridade Munisipál Lautém, ho objetivu atu hametin koordenasaun entre AIFAESA, I.P. no Autoridade Munisipál Lautém kona-ba implementasaun planu servisu inspesaun no fiskalizasaun iha terenu. No Prezensa membru AIFAESA iha munisípiu sei fasilita actividade inspesaun, fiskalizasaun no kontrolu ba seguransa no kualidade produtu sira, inklui iha loja no estabelecimentu komersial sira.
Reprezentante Prezidente Autoridade Munisipál Lautém, Sekretáriu Munisipál ba Assuntu Sosiais no Organizasaun Komunitária, 𝐅𝐫𝐚𝐧𝐜𝐢𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬, hateten ,prezensa AIFAESA iha Munisípiu Lautém importante tebes tanba bele fahe informasaun kona-ba servisu prinsipál sira no atividade ne’ebé ekipa AIFAESA sei hala’o iha postu no suku sira.
‘’ prezensa AIFAESA iha Munisípiu Lautém importante tebes tanba bele fahe informasaun kona-ba servisu prinsipál sira no atividade ne’ebé ekipa AIFAESA sei hala’o iha postu no suku sira.tamba ne’e Autoridade Munisipál Lautém hato’o apresiasaun ba AIFAESA, I.P. tanba bele extende membru no ofisiál sira ba munisípiu sira, liu-liu ba Munisípiu Lautém. Autoridade Munisipál mos sujere atu, bainhira ekipa AIFAESA hala’o inspesaun iha loja no estabelecimentu komersial sira, halo koordenasaun ho parte seguransa, liu-liu PNTL, atu nune’e actividade servisu bele hala’o ho di’ak no seguru.
Sekretáriu Munisipál ba Assuntu Sosiais no Organizasaun Komunitária mos husu ba administrador postu, Komandante Eskuadra PNTL iha postu sira, lideransa komunitária no parte relevante sira seluk atu koopera ho ekipa AIFAESA bainhira sira tun iha terenu atu hala’o actividade inspesaun no fiskalizasaun.
‘’ hau husu ba Administrador postu, Komandante Eskuadra PNTL iha postu sira, lideransa komunitária no parte relevante sira seluk atu koopera ho ekipa AIFAESA bainhira sira tun iha terenu atu hala’o actividade inspesaun no fiskalizasaun.tamba ne’e Kooperasaun entre instituisaun sira ne’e konsidera importante atu garante actividade inspesaun no fiskalizasaun bele hala’o ho efetivu, hametin kontrolu ba seguransa no kualidade produtu, no promove kumprimentu ba lei no regulamentu sira ne’ebé vigora iha Timor-Leste.
Jornalista;ersy
Editor;EL
