𝐄𝐍𝐒𝐄𝐑𝐀𝐌𝐄𝐍𝐓𝐔 𝐁𝐀 𝐀𝐓𝐈𝐕𝐈𝐃𝐀𝐃𝐄 𝐀𝐕𝐀𝐋𝐈𝐀𝐒𝐀𝐔𝐍 𝐊𝐎𝐍𝐃𝐈𝐒𝐀𝐔𝐍 𝐌Í𝐍𝐈𝐌𝐔 𝐄𝐓𝐀𝐏𝐀 𝐃𝐀𝐑𝐔𝐀𝐊 𝐃𝐔𝐑𝐀𝐍𝐓𝐄 𝐋𝐎𝐑𝐎𝐍 𝐑𝐔𝐀 𝐈𝐇𝐀 𝐌𝐔𝐍𝐈𝐒Í𝐏𝐈𝐔 𝐋𝐀𝐔𝐓É𝐌

Lospalos rcl vp 10-08-2026= Reprezenta Prezidente Autoridade Munisípiu Lautém, Sekretáriu Munisípiu Administrasaun no Finansas hala’o enseramentu ba atividade Avaliasaun Kondisaun Mínimu (AKM) ba etapa daruak nian iha Munisipiu Lautem

Sesaun enseramentu ba avaliasaun kondisaun minimu, Reprezenta Prezidente Autoridade Munisípiu Lautém, Sekretáriu Munisípiu Administrasaun no Finansas. 𝐙𝐞𝐟𝐞𝐫𝐢𝐧𝐨 𝐝𝐨𝐬 𝐒𝐚𝐧𝐭𝐨𝐬 𝐒𝐞𝐪𝐮𝐞𝐢𝐫𝐚  , agradese ba ekipa avalidor sira, ne’ebe ho pasiensia tomak hodi hala’o atividade avaliasaun ne’ebe liu husi intervista no konfirma ba dokumentu ne’ebe Servisu Munisipal no Administrador Postu sira prepara.

‘’ Hau agradese ba ekipa avalidor sira, ne’ebe ho pasiensia tomak hodi hala’o atividade avaliasaun ne’ebe liu husi intervista no konfirma ba dokumentu ne’ebe Servisu Munisipal no Administrador Postu sira prepara.no Autoridade Munisipiu Lautem nia esperansa Munisípiu Lautém tenke avansa ba Dezentralizasaun Poder Lokál, maibe depende ba rezultadu konfirmasaun dokumentu ne’ebe Autoridade Munisípiu prepara ba ekipa avaliador sira.
no hau  agradese mos  ba Diretór Jerál STAE nu’udar koordenador ba ekipa avaliador sira nia prezensa iha prosesu avaliasaun faze daruak ba dezempeñu, estrutura no kapasidade Institusional Autoridade Munisipál Lautém.

Iha fatin hanesan, Diretor Jerál Sekretariadu Tékniku Administrasaun Eleitoral (STAE) nu’udar koordenadór ba atividade Avaliasaun Kondisaun Mínimu segundu etapa 𝐄𝐥𝐯𝐢𝐫𝐨 𝐅𝐞𝐫𝐧𝐚𝐧𝐝𝐞𝐬 𝐌𝐨𝐧𝐢𝐳 hatutan, atividade avaliasaun kondisaun minimu durante loron rua ekipa avaliador sira konsege remata ba atividade avaliasaun kondisaun minimu etapa segundu nian iha Munsípiu Lautém.

‘’ Atividade avaliasaun kondisaun minimu durante loron rua ekipa avaliador sira konsege remata ba atividade avaliasaun kondisaun minimu etapa segundu nian iha Munsípiu Lautém, ekipa tékniku mai iha Munisípiu Lautém la’o tuir orientasaun ne’ebé iha hodi priense espetativa ne’ebé ita hotu hakarak husi avaliasaun kondisaun mínimu ida ne’e.Tanba ida ne’e Diretor Jerál STAE lori ekipa nia naran hato’o agradese ba Autoridade Munisípiu Lautém ne’ebé loron dahuluk mai to’o loron daruak nian liu husi diskusaun, intervista no komunikasaun entre ekipa avaliador ho Diretor/a no Administrador Postu sira ne’ebé iha liafuan no palavra ruma naksalak ne’e parte ida husi Autoridade Munisipiu Lautem hakarak nafatin no priense valor ba iha Avaliasaun Kondisaun Minimu tinan kotuk ne’ebe hetan Muito Bom.

Entertantu : mos Ekipa avaliador sira hato’o agradese ba Selensia Prezidente Autoridade Munisipiu Lautem hamutuk ho estrutura tomak ba iha organizasaun ba atividade ida ne’e, espera ho rezultadu ne’ebe horseik to’o ohin ita hotu presta ona bele lori Munisipiu Lautem ba faze tuir mai.

Jornalista;silisy

Editor;El