𝗔𝗨𝗧𝗢𝗥𝗜𝗗𝗔𝗗𝗘 𝗠𝗨𝗡𝗜𝗦𝗜𝗣Á𝗟 𝗟𝗔𝗨𝗧É𝗠 𝗢𝗥𝗜𝗘𝗡𝗧𝗔 𝗞𝗢𝗠𝗜𝗦𝗔𝗨𝗡 𝗢𝗥𝗚𝗔𝗡𝗜𝗭𝗔𝗗𝗢𝗥𝗔 𝗟𝗢𝗞Á𝗟 𝗛𝗔𝗟𝗔’𝗢 𝗣𝗥𝗘𝗣𝗔𝗥𝗔𝗦𝗔𝗨𝗡 𝗕𝗔 𝗜𝗡𝗔𝗨𝗚𝗨𝗥𝗔𝗨𝗡 𝗠𝗢𝗡𝗨𝗠𝗘𝗡𝗧𝗨 𝗠𝗢𝗡𝗦𝗘𝗡𝗛𝗢𝗥 𝗠𝗔𝗥𝗧𝗜𝗡𝗛𝗢 𝗗𝗔 𝗖𝗢𝗦𝗧𝗔 𝗟𝗢𝗣𝗘𝗦 𝗜𝗛𝗔 𝗠𝗘𝗛𝗔𝗥𝗔

Lospalos rcl vp 17-09-2026= Autoridade Munisipio Lautem  halao encontru final  ba  seremonia  Inagurasaun  no harii mos  Komisaun Organizadora Lokál  Postu Tutuala, iha Suku Mehara, relasiona ho preparasaun ba serimónia inaugurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀.

 no  Enkontru finál ida ne’e  ho  objetivu atu fó orientasaun no asegura kada sub-komisaun no seksaun sira ne’ebé antes forma ona hodi bele kontinua hala’o servisu ho responsabilidade ho koordenasaun ne’ebé di’ak, nune’e preparasaun ba serimónia inaugurasaun bele la’o tuir planu no remata ho susesu.

Prezidente Autoridade Munisipál Lautém 𝗠é𝗹𝗶𝗼 𝗱𝗲 𝗝𝗲𝘀𝘂𝘀   hateten  ,enkontru ida ne’e importante tebes atu fó orientasaun ikus ba Komisaun Organizadora Lokál, hodi asegura servisu hotu bele kontinua to’o loron ikus antes serimónia inaugurasaun.

‘’ enkontru ida ne’e importante tebes atu fó orientasaun ikus ba Komisaun Organizadora Lokál, hodi asegura servisu hotu bele kontinua to’o loron ikus antes serimónia inaugurasaun. Tamba orientasaun ba Komisaun Organizadora no sub-komisaun sira ne’ebé lidera husi Sekretáriu Munisipál PIDI  nu’udar Prezidente Komisaun Organizadora, atu kontinua servisu ho koordenasaun ne’ebé  di’ak no tuir  responsabilidade  ida-idak  nian, nune’e atividade hotu bele hala’o ho orden no efisiénsia.tamba  Prezidente Autoridade Munisipál Lautém mós halo observasaun ba atividade preparasaun sira ne’ebé komesa ona, no orienta atu finaliza ho máxima ba preparasaun, tanba hahú husi loron 18 Setembru, parte nasionál hahú halo kobertura ba atividade inaugurasaun nian. No Serimónia inaugurasaun Monumentu 𝗠𝗼𝗻𝘀𝗲𝗻𝗵𝗼𝗿 𝗠𝗮𝗿𝘁𝗶𝗻𝗵𝗼 𝗱𝗮 𝗖𝗼𝘀𝘁𝗮 𝗟𝗼𝗽𝗲𝘀  sei involve komunidade sira husi Postu Administrativu lima iha Munisípiu Lautém, ne’ebé sei to’o iha loron 20 Setembru lokraik. No Iha preparasaun ba atividade ne’e, orientasaun mós ba organizasaun Feira, nune’e kada stand bele prepara no fornese hahán ba komunidade sira husi Postu Administrativu lima. Maibe komisaun mós halo rejistu ba númeru partisipante sira husi kada Postu Administrativu lima nian.

Jornalista;silisy

Editor;EL