𝗘𝗡𝗞𝗢𝗡𝗧𝗥𝗨 𝗞𝗢𝗡𝗔-𝗕𝗔 𝗣𝗥𝗘𝗣𝗔𝗥𝗔𝗧Ó𝗥𝗜𝗨 𝗔𝗧𝗨 𝗦𝗜𝗠𝗨 𝗕𝗔𝗜𝗡𝗔𝗞𝗔 𝗦𝗜𝗥𝗔 𝗛𝗨𝗦𝗜 𝗡𝗔𝗦𝗜𝗢𝗡Á𝗟 𝗡𝗢 𝗜𝗡𝗗𝗢𝗡É𝗭𝗜𝗔 𝗕𝗔 𝗙𝗘𝗦𝗧𝗜𝗩𝗔𝗟 𝗙𝗥𝗢𝗡𝗧𝗘𝗜𝗥𝗔

Lospalos rcl vp 30-10-2026= Prezidente Autoridade Munisipál Lautém, hamutuk ho Segundu Komandante PNTL Munisípiu Lautém, ekipa Centro Nacional Chega (CNC), Xefe Gabinete Prezidente Autoridade Munisipál, Administradór Postu Administrativu Lautém no Lospalos, Diretór no Diretora Servisu Munisipál, Xefe Departamentu EIPA, reprezentante Unidade Polísia Marítima no membru Polísia Nasionál Timor-Leste (PNTL) Munisípiu Lautém, hala’o enkontru preparatóriu kona-ba simu bainaka sira husi parte nasionál no Indonézia ne’ebé sei partisipa iha eventu Festival Fronteira, iha Suku Com, Postu Administrativu Lautém, Munisípiu Lautém.

Enkontru ne’e lidera husi Prezidente Autoridade Munisipál Lautém, ne’ebé hala’o iha Areadores fatin serimónia nian ho objetivu atu prepara no asegura prosesu simu bainaka sira lao ho di’ak, ordenadu no tuir prosedimentu ne’ebé iha .

No Iha enkontru ne’e, partisipante sira fó atensaun espesiál ba koordenasaun interinstitusionál, liuliu kona-ba protokolu, seguransa, konsumu, fatin deskansa no preparasaun atu simu volume bainaka sira ne’ebé sei marka prezensa iha eventu ne’e.

Enkontru ne’e sai nu’udar oportunidade importante ba entidade relevante sira atu fahe ideia, hanoin no kontribuisaun hamutuk, hodi asegura preparasaun ne’ebé di’ak no kolaborasaun entre instituisaun sira, atu Festival Fronteira bele hala’o ho susesu.

Jornalista;sili

Editor;EL