Lospalos rcl vp 31-10-2026= Festivál Fronteira ba dala-IV tinan 2026 ho tema “𝙃𝙖𝙪 𝙉𝙞𝙖 𝙍𝙖𝙞, 𝙃𝙖𝙪 𝙉𝙞𝙖 𝙏𝙖𝙨𝙞, 𝙃𝙖𝙪 𝙉𝙞𝙖 𝙆𝙪𝙡𝙩𝙪𝙧𝙖” ofisialmente ensera husi Autoridade Munisipál Lautém, tamba Festival ne’e sai hanesan momentu importante atu hametin amizade, unidade, solidariedade no rekonsiliasaun entre komunidade Timor-Leste no Indonézia, liu husi interkámbiu kulturál no konvivénsia entre povu sira iha área fronteira.
Iha diskursu enseramentu, ne’e Prezidente Autoridade Munisipál Lautém, 𝗠é𝗹𝗶𝗼 𝗱𝗲 𝗝𝗲𝘀𝘂𝘀 , apresia no agradese ba parte hotu-hotu ne’ebé kontribui ba susesu Festivál Fronteira 2026 nian. Iha Postu Administrativo Lautem Munisipio Lautem
‘’ Hau apresia no agradese ba parte hotu-hotu ne’ebé kontribui ba susesu Festivál Fronteira 2026 nian. Iha Postu Administrativo Lautem Munisipio Lautem,tamba Festivál Fronteira 2026 remata ohin, maibé nia mensajen sei moris nafatin. Hau Nia Rai, Hau Nia Tasi, Hau Nia Kultura – ne’e mak identidade Lautém nian. Husi Lenuk-Tasi to’o Post Memória, ita hatudu katak Lautém prontu sai ezemplu ba dame, amizade no prezervasaun ambiente iha fronteira,” dehan PAM Lautém.
Prezidente Autoridade Munisipál Lautém mos agradese tebes ba Nonu Governu Konstituisionál ne’ebé lideradu husi Primeiru Ministru (PM-RDTL) Kay Rala Xanana Gusmão, ne’ebe fó konfiansa tomák ba Munisípiu Lautém hodi realiza Festivál Fronteira ba dala-IV. Iha Munisipio Lautem
‘’Hau agradese tebes ba Nonu Governu Konstituisionál ne’ebé lideradu husi Primeiru Ministru (PM-RDTL) Kay Rala Xanana Gusmão, ne’ebe fó konfiansa tomák ba Munisípiu Lautém hodi realiza Festivál Fronteira ba dala-IV. Iha Munisipio Lautem,tamba Munisipál Lautém mós fó apresiasaun bot Governu Indonézia liuhusi Provínsia Nusa Tenggara Timur (NTT) no Kabupaten Maluku Barat Daya hodi hola parte eventu Festivál Fronteira.
Iha fatin hanesan, Sekretáriu Estadu Arte no Kultura (SEAK), 𝗝𝗼𝗿𝗴𝗲 𝗦𝗼𝗮𝗿𝗲𝘀 𝗖𝗿𝗶𝘀𝘁𝗼𝘃ã𝗼 afirma katak, Eventu Festivál ida ne’e atu ita promove nafatin polítika ne’ebé mak hafoin ita restaura independénsia no oinsá mak aprosimasaun kulturál sira liu husi interkámbiu kulturál, diálogu kulturál hodi hametin liu tan ita nia amizade entre populasaun sira iha area Fronteira.
‘’ Eventu Festivál ida ne’e atu ita promove nafatin polítika ne’ebé mak hafoin ita restaura independénsia no oinsá mak aprosimasaun kulturál sira liu husi interkámbiu kulturál, diálogu kulturál hodi hametin liu tan ita nia amizade entre populasaun sira iha area Fronteira.
Diretor Ezekutivu Centro Nacional Chega (CNC), Hugo Maria Fernandes esplika ohin kalan ikus nian ba Eventu Festivál Fronteira ba dala-IV iha tinan 2026. Tamba festifal cultural fronteira ne’e hanesan loron ita hotu akompaña performance dansa kulturál, eventu Festivál Fronteira ida ne’e mós atu fó rekoñesimentu ba ita nia Kultura ne’ebé mak ho valor bot.
‘’ Ohin kalan ikus nian ba Eventu Festivál Fronteira ba dala-IV iha tinan 2026. Tamba festifal cultural fronteira ne’e hanesan loron ita hotu akompaña performance dansa kulturál, eventu Festivál Fronteira ida ne’e mós atu fó rekoñesimentu ba ita nia Kultura ne’ebé mak ho valor bot. tamba Festivál Fronteira la’os atu haluhan istória, maibé atu hatutan memória sira ho dame.
Entertantu: Festivál ida ne’e hatudu katak husi memória, ita bele harii amizade. Husi tasi, ita bele harii ekonomia. Husi kultura, ita bele harii unidade.
Jornalista;sisy
Editor;El
