𝗙𝗔𝗠Í𝗟𝗜𝗔 𝗛𝗔𝗟𝗢’𝗢𝗧 𝗦𝗔𝗨𝗗𝗢𝗭𝗨 𝗙𝗘𝗟𝗜𝗫 𝗖𝗢𝗥𝗥𝗘𝗜𝗔 “𝗟𝗔 𝗛𝗔𝗟𝗨𝗛𝗔𝗡” 𝗜𝗛𝗔 𝗧𝗨𝗧𝗨𝗔𝗟𝗔

Lospalos rcl vp 21-02-2026=Autoridade Munisípál Lautém hamutuk família halo’ot ona Saudozu Felix Correia “𝙇𝘼 𝙃𝘼𝙇𝙐𝙃𝘼𝙉” iha Semiteriu Loro, Suku Tutuala, Postu Administrativu Tutuala, Munisípiu Lautém.

Reprezentante Prezidente Autoridade Munisipál Lautém, Sekretáriu Munisipál Planeamentu Investimentu no Dezenvolvimentu Integradu (PIDI) 𝗦𝗿. 𝗧𝗶𝗯𝘂𝗿𝘀𝗶𝗼 𝗱𝗼𝘀 𝗦𝗮𝗻𝘁𝗼𝘀 lori Autoridade Munisípál Lautém nia naran hato’o Sentido Kondolensia Profunda ba familia Saudozu Feliz Correia “𝙇𝘼 𝙃𝘼𝙇𝙐𝙃𝘼𝙉” tamba durante ninia dedikasaun no kontribuisaun ba iha Munisípiu Lautém ho másimu.

Aleinde ne’e Saudozu mós durante nia sei moris Autoridade Munisipál Lautém presiza nia lori Kultura hodi apoiu nafatin bainhira Autoridade Munisípiu Lautém presiza.

‘’ Saudozu FELIX CORREIA/ZE’E-POKILO ho kódigu  Rezistensia “𝙇𝘼 𝙃𝘼𝙇𝙐𝙃𝘼𝙉” husi Uma Lisan Pai-Uru Ratu, moris iha loron 15 de Janeiro 1954, iha Aldeia Ioro, Suku Tutuala, Postu Administrativu Tutuala, Munisípiu Lautém,
Saudozu nu’udar oan mane mesak husi Aman Sr. PARACAI (Matebian) husi uma-lisan Pai-Uru ho Inan REI-LAVANO (Matebian). Hakiak husi nia Inan bot PUA-LE’E (Mmatebian) husi Uma-Lisan Maleki. 

𝗣𝗔𝗥𝗧𝗜𝗣𝗔𝗦𝗔𝗨𝗡 𝗕𝗔 𝗟𝗨𝗧𝗔
1. Iha loron 3 de favereiro 1976 parakarista militar Indonesia tun iha Munisípiu Lautém soudosu nu’udar soldadu Milisia FALINTIL no tuir treinamentu iha base FALINTIL Hihoru Ilipere komanda husi Komandante BARTOLEMEU DIAS to 7 de Desembro 1977.

2. Dia 01 de Marco 1979 ate 31 de Desembru 1980 Saudozu nu’udar TBO militar Indonezia iha batelaun 508 iha Tutuala. No hasai kilat musan ba grupu de Gerilieiru nebe lidera husi Saudozu Orlando Mauveles iha ailaran Tutuala.

3. Iha 01 de janeiro 1981 to 05 de Augusto 1983 Saudozu ho nia maluk sira tama iha Forsa Populasaun Treinadu / Rakyat Terlatih ( RATI) no muda ba WANRA no HANSIP no ativo nafatin iha frente KLANDESTINA. Hafoin resistensia ARMADA transforma nativu armado iha Suku Tutuala ba MILISIA POPULAR DA LIBERTASAUN NASIONAL.

4. Iha 8 de Agusto 1983 komandu da luta hasai orden lewantamentu armada Nasional ba organizasaun Milisia Popular da Libertasaun Nasional (MIPLIN) atu ba aumenta potensia FALINTIL hodi luta ba libertasaun da PATRIA. Maibe MIPLIN Suku Tutuala la konsege sai ba ai laran tamba MIPLIN iha zona seluk halo lewantamentu uluk maka MIPLIN Suku Tutuala kontroladu totalmente  husi Militar Indonesia.

5. Iha loron 7 fulan Novembru tinan 1983 saudozu hamutuk ho nia maluk sira nu’udar eskolto ofisial DANRAMIL 05 Tutuala fila husi Lospalos no tama iha embuskada FALINTIL nian iha area VATALARI no saudozu hetan tiru iha nia ain maibe konsege lori ba tratamentu kurativu iha hospital mak foin rekupera.          
                                     
6. Iha tinan 1989 Saudozu tama iha MILITERISASI no tuir treinamentu militar durante fulan 6 iha Denpasar Bali – Indonesia. Depois de treinamentu ofisias Militar Indonesia Koloka saudoso iha Komandu Rayon Militer (KORAMIL 05 )Tutuala

7. Dia 31 de Desembru 1989 Saudozu ho nia espiritu patriotiku no komprensaun bo’ot hodi kontinua servisu hamutuk ho nia maun Sr.Alexandre da Cruz iha lina Klandestina, liuhusi fo kontribuisaun no informasaun kona-ba movimentu militar Indonesia ba Rezistensia Armada.

8. Iha dia 01 de Janeiru 1993 to 25 de Outubru 1999, Saudozu ho nia maluk sira konkista Nativus Armadus Militerisasi Postu Tutuala hodi halo kontribuisaun ba resistensia Armada. Hafoin de konkista, Nativus Armadus rekonese husi komandante Joao Miranda ALUK DESCARTES no Komandante Higino das Neves hanaran Nativus Armadus ba Tim-Alfa (ZAGARE I) no Militarisasi (ZAGARE 2) nebe komanda husi Sanudozu Felis Correia hodi halao siguransa klandestinamente ba movimentu ka aktividades rezistensia nian atravez SERVISU INFORMASAUN SEKRETA INTERNO MILITAR INDONESIA (SISIMI) hodi relata plano estrategiku militar Indonesia nian nebe hakarak haraun organizasaun Klandestina Zona Tango Alfa ka Zona Tutuala.

HISTORIA MORAS
Enkuantu, Saudozu hahú hetan atakasaun  iha nia Residencia Mehara, iha dia 12 de Novembru 2025 kalan. Ho nune, familia sira deside hodi lori kedas ba Centro Saúde Mehara no liu husi diagnostiku Mediku sira nian Saudozu nia kondisaun grave ho tensaun alta abnormal maka Mediku sira iha kalan ne’e duni transfere kedas ho kareta Ambulancia ba Centro Saude Internamentu Lospalos’’

Entertantu : Hanfoin to’o iha Centru Saude Intensivu Lospalos, Mediku sira halo tratamentu Intensivu no kontinua transfere kedas ba iha Hospital Regional Eduardo Ximenes (Horex) Baucau iha dadersaun iha oras 06.00 dadersan no tamba Saudosu nia kondisaun grave Medico sira transfere kedas ba HNGV ho aviaun Ambulancia iha dia 13 de Novembro 2025 no to iha Dili oras 12.00.
Iha HNGV Saudoso baixa kedas iha sala ICU iha dia 13 de Novembro 2025 to’o hakotu is iha dia 12 de Janeiro 2026 oras 19.45 kalan.

Jornalista;syli

Editor;El