Lospalos rcl vp 01-10-2026= Ekipa Mornington Peninsula Australia Friends of Lospalos, lideradu husi Prezidente 𝗖𝗼𝗹𝗹𝗲𝗲𝗻 𝗛𝗮𝗺𝗺𝗼𝗻𝗱, hala’o audiénsia ho Prezidente Autoridade Munisipál Lautém, hodi ko’alia kona-ba kontinuidade relasaun amizade no koordenasaun servisu entre komunidade Mornington Peninsula, Australia, ho komunidade  Postu Administrativu Lospalos, Munisípiu Lautém  no Enkontru ne’e hala’o  iha  sala VIP Autoridade Munisipál Lautém,

Objetivu ba encontru ne’e  atu diskute posibilidade  servisu no apoiu iha futuru, liu-liu iha área edukasaun, saúde, bee moos, agrikultura, sosiu-ekonómiku, ema ho defisiénsia no ema vulnerável sira.

Prezidente Autoridade Munisipál Lautém, melio de Jesus, hato’o agradese ba komunidade Mornington Peninsula Australia tanba relasaun amizade no apoiu ne’ebé durante tinan -tinan  liu bá to’o agora fó ba komunidade  iha Postu Lospalos.

‘’Hau  agradese  tebes ba komunidade Mornington Peninsula Australia tanba relasaun amizade no apoiu ne’ebé durante tinan -tinan  liu bá to’o agora fó ba komunidade  iha Postu Lospalos.tamba ne’e  hau hato’o apresiasaun ba apoiu ne’ebé komunidade Mornington Peninsula Australia fó ba Munisípiu Lautém, liu-liu iha Postu Administrativu Lospalos. No  vizita ekipa ne’e importante atu haree diretamente rezultadu servisu sira ne’ebé hala’o ona, no identifika posibilidade  apoiu no kolaborasaun foun iha futuru.no Bazeia ba relatóriu ne’ebé ekipa aprezenta, apoiu sira ne’ebé konsege hala’o ona inklui apoiu bee moos ba komunidade iha Suku Souro, apoiu ba Madre ADM ba konstrusaun kafetaria, apoiu ba komunidade  afetadu husi inundasaun, no apoiu ba nesesidade estudante sira.no hau  espera katak relasaun amizade no kooperasaun entre komunidade Mornington Peninsula Australia no komunidade Postu Lospalos bele kontinua no hametin iha futuru.no Relasaun ida-ne’e nu’udar relasaun família ida  entre komunidade Mornington Peninsula no komunidade Postu Lospalos. Tanba ne’e, ita hakarak atu relasaun no servisu hamutuk ne’e kontinua iha futuru,” hateten Prezidente Autoridade Munisipál Lautém Melio de jesus

Iha sorin  seluk, Prezidente Mornington Peninsula Australia Friends of Lospalos, Coleen Hammond, haktuir  vizita ne’e ho objetivu atu hasoru Prezidente Autoridade Munisipál Lautém no ko’alia kona-ba relasaun entre Mornington Peninsula Australia ho Autoridade Munisipál Lautém, no oinsá atu kontinua servisu hamutuk iha futuru.

‘’ Objetivu atu hasoru Prezidente Autoridade Munisipál Lautém no ko’alia kona-ba relasaun entre Mornington Peninsula Australia ho Autoridade Munisipál Lautém, no oinsá atu kontinua servisu hamutuk iha futuru.tamba Mornington Peninsula Australia Friends of Lospalos sei kontinua buka oportunidade  atu fó apoiu ba komunidade iha Munisípiu Lautém, tuir nesesidade no prioridade sira ne’ebé iha.no ekipa Mornington Peninsula Australia Friends  of Lospalos hala’o  observasaun no vizita ba projetu no actividade balun ne’ebé apoiadu husi komisaun sidade amiga entre Mornington Peninsula no Lospalos. Ekipa ne’e mós vizita komunidade  ema ho defisiénsia no juventude sira ne’ebé hala’o atividade iha área arte no kultura.

Entertantu:Vizita husi Mornington Peninsula Australia  ne’e  espera bele hametin liután relasaun Amizade, solidariedade no kooperasaun entre Mornington Peninsula Australia no komunidade Lospalos, no loke dalan ba kolaborasaun foun iha futuru.

Jornalista;sylisi

Editor;El