Lospalos rcl vp 22-10-2026= Conselho de Imprensa de Timor-Leste (CITL), hamutuk ho Sekretária Estadu Komunikasaun Sosiál (SEKOMS) no asosiasaun jornalista sira, selebra Loron Nasional Liberdade Imprensa (LNLI) ba Dala IV.iha Sentru Konvensaun Dili (CCD),
Abertura ofisiál ba feira ne’e hala’o husi Sekretáriu Estadu Komunikasaun Sosiál, Expedito Loro Dias Ximenes. Feira ne’e hetan partisipasaun husi komunidade lokál sira ne’ebé fa’an hahán tradisionál no produtu lokál. Aleinde ne’e, grupu balun mós aprezenta no fa’an artezanatu tradisionál Timor-Leste nian.
Iha parte seluk, CITL aprezenta painél fotojornalizmu ne’ebé hatudu kontribuisaun jornalista no ativista estranjeiru no Timoroan sira iha prosesu luta ba ukun rasik-án.
No iha Forum Nasionál Editoriál ne’e konta ho oradór na’in haat, mak hanesan Konselleiru CITL, Joaquim de Fátima Coutinho; Asesór Sekretáriu Estadu Komunikasaun Sosiál, Amito Araújo; Prezidente Asosiasaun Jornalista Timor-Lorosa’e (AJTL), Zevonia Vieira; no Diretór Departamentu Komunikasaun Sosiál Universidade Católica Timor (UCT), Pe. Bento Barros Pereira.
no tem aba Forum ne’e foka liu ba “Jornalizmu iha Era Algoritmu: Dezafiu no Oportunidade husi Inteligénsia Artifisiál (AI)”.
Iha diskusaun ne’e, oradór sira esplika kona-ba oinsá jornalista sira bele uza inteligénsia artifisiál ho apropriadu no responsavel iha prosesu produsaun notísia, no oinsá atu kombate disinformasaun no informasaun sala (misinformasaun) ne’ebé kontinua hale’u iha sosiedade.
Aleinde ne’e, forum ne’e mós enfatiza importánsia atu kontinua hametin literasia dijitál ba públiku tomak, atu nune’e ema sira bele uza mídia sosiál ho responsabilidade, evita prodús no publika informasaun falsu, no la fahe tan informasaun falsu sira iha plataforma dijitál.
Jornalista;sida
Editor;el
