Lospalos rcl vp 06-05-2026=Universidade da Paz (UNPAZ) liu husi Komisaun Organizadora akompaña ho dekanu kada fakuldade sira aprezenta estudante hamutuk 176 ba Autoridade Munisipál Lautém, ne’ebé komisaun organizadóra koloka ona estudante semestre V ba ida-idak nia Postu, Suku no Aldeia hodi hala’o atividade Pratika Aprendizajen Kampu (PAK) durante fulan ida, iha munisipiu Lautem iha Salaun Administrasaun Autoridade Munisipál Lautém.
Prezidente Autoridade Munisipál Lautém, Melio de Jesus hateten nia parte , fó Bem-Vindu ba estudante sira hamutuk 176 ne’ebé mai iha Knua “Kina Moco” hodi hala’o estájiu durante fulan ida.
Prezidente Autoridade Munisipál mos hateten ba estudante sira ne’ebé sei halo estájiu iha Munisipiu Lautem, sei ba iha Suku, Aldeia no Knua, atu elabora no identifika problema sosiál ne’ebé komunidade sira enfrenta iha terenu.
‘’iha biban ida ne’e hau fó Bem-Vindu ba estudante sira hamutuk 176 ne’ebé mai iha Knua “Kina Moco” hodi hala’o estájiu durante fulan ida no ba estudante sira ne’ebé sei halo estájiu iha Munisipiu Lautem, sei ba iha Suku, Aldeia no Knua, atu elabora no identifika problema sosiál ne’ebé komunidade sira enfrenta iha terenu.no wanhira fila ba Suku, Aldeia no Knua hodi hala’o estájiu sai ezemplu ba sosiedade no joven sira ne’ebé dezempregu iha Postu, Suku no Aldeia, eduka ho liafuan ne’ebé motivasaun nian, nune’e bele ema ne’ebé di’ak hodi evita konflitu hatudu karakter di’ak kria unidade paz iha sosiedade sira nia leet.Tanba ne’e, estudante sira labele ta’uk no moe tenke hakbesik an ba lider komunitária no Administrador Postu sira hodi halo koordenasaun no komunikasaun ne’ebé di’ak, nune’e bainhira halo atividade estájiu Pratika Aprendizajen Kampu (PAK) iha terenu mak infrenta problema ruma, hodi hato’o atu nune’e bele buka nia solusaun’’ .Dehan Prezidente Autoridade Munisipál Lautém, Melio de Jesus iha Salaun Administrasaun Autoridade Munisipál Lautém,Tersa feira 05/05/2026
Iha fatin hanesan, Koordenador Munisípiu Lautém, Domingos CBB Gomes hatutan, prezensa iha fatin ida atu estabelese servisu estájiu nian, ne’ebé orientasaun husi Universidade da Paz (UNPAZ) mai iha Munisípiu Lautém, ba programa no estudu ne’ebé atinji durante tinan rua ho balun hodi identifika dezafiu no difikuldade sira ne’ebé akontese iha Suku no Aldeia.
‘’ prezensa iha fatin ida atu estabelese servisu estájiu nian, ne’ebé orientasaun husi Universidade da Paz (UNPAZ) mai iha Munisípiu Lautém, ba programa no estudu ne’ebé atinji durante tinan rua ho balun hodi identifika dezafiu no difikuldade sira ne’ebé akontese iha Suku no Aldeia.’’ Hateten Koordenador Munisípiu Lautém, Domingos CBB Gomes
Entertantu :enkontru ne’e lao ho diak tamba hetan partisipasaun masimu husi autoridade munispal ,estudante no reitor sira husi UNPAZ
Jornalista;Sili
Editor;El
