𝐌𝐈𝐒𝐒𝐀 𝐃𝐄 𝐀ÇÃ𝐎 𝐃𝐄 𝐆𝐑𝐀Ç𝐀𝐒 𝐇𝐎𝐃𝐈 𝐊𝐎𝐌𝐄𝐌𝐎𝐑𝐀 𝟑𝟎 𝐃𝐄 𝐀𝐆𝐎𝐒𝐓𝐔, 𝐋𝐎𝐑𝐎𝐍 𝐊𝐎𝐍𝐒𝐔𝐋𝐓𝐀 𝐏𝐎𝐏𝐔𝐋𝐀𝐑 𝐁𝐀 𝐃𝐀𝐋𝐀 𝟐𝟕

Lospalos rcl vp 31-08-2028= Autoridade Munisipál Lautém partisipa Missa de Ação de Graças hodi komemora loron 30 de Agostu, Konsulta Popular ba dala 27, ne’ebé selebrasaun nasional  iha Munisípiu Manatuto.

No Selebrasaun relijioza ne’e sai hanesan momentu atu fó agradese ba Maromak no hanoin fila fali luta no sakrifísiu povu Timor-Leste nian iha prosesu ba liberdade no independénsia.

Iha nia homilia Pe. Mario da Costa Melo Cabral hateten katak povu Timor-Leste sei komemora 30 de Agostu, loron Konsulta Popular nian, ne’ebé sai símbolu importante ba luta povu Timor-Leste atu hetan liberdade liu husi prosesu demokrátiku.

‘’ Aban, povu Timor-Leste sei komemora 30 de Agostu, loron Konsulta Popular nian, ne’ebé sai símbolu importante ba luta povu Timor-Leste atu hetan liberdade liu husi prosesu demokrátiku.tamba Antes Timor-Leste hetan ukun rasik, povu barak mak lakon sira-nia vida no família sira sofre sakrifísiu boot. Iha prosesu ba Konsulta Popular, povu Timor-Leste hasoru mos ameasa, violénsia no tortura oioin. Maibé, sakrifísiu no korajen povu nian sai parte importante husi dalan naruk ba independénsia Timor-Leste.no Iha tinan ida ne’e, dala 27 Konsulta Popular, ita hotu  konvida atu hanoin fila fali valor liberdade ne’ebé ita hetan, no halo liberdade ne’e sai baze atu hametin konkista independénsia no harii misaun foun ba jerasaun foun.no Mensajen ne’e mos enkoraja patriota hotu atu kontinua servisu ho onestidade, responsabilidade no respeitu, hametin unidade, respeita malu no proteje dignidade ema ida-idak, hodi kontribui ba konstrusaun nasaun Timor-Leste ne’ebé dame, justu no prosperu.no Missa de Ação de Graças ne’e remata ho espírito unidade no komitmentu hamutuk atu valoriza liberdade, memória no sakrifísiu jerasaun sira uluk, no kontinua harii futuru di’ak ba jerasaun sira mai.

Jornalista;sili

Editor;EL