Lospalos rcl vp 17-09-2026= Sekretaria Estadu Formasaun Profisionál no Empregu ka (SEFOPE) organiza Feira Kareira no Edukasaun ba estudante sira husi Ensinu Sekundáriu no Ensinu Tékniku Vokasionál, ho objetivu atu fahe no divulga informasaun kona-ba oportunidade formasaun, Edukasaun, Empregu no Dezenvolvimentu karreira ba joven sira iha salaun Gor Lospalos ,Munisípiu Lautém.
no Atividade ne’e sai hanesan programa anuál SEFOPE nian ,ne’ebé realiza kada tinan iha munisípiu sira, ho objetivu atu promove asesu ba informasaun kona-ba oportunidade empregabilidade produtiva no dezenvolvimentu karreira ba jovem sira, liuliu estudante finalista sira, hodi ajuda sira hili kursu ka área estudu tuir sira-nia interese, kapasidade no nesesidade merkadu traballu agora no iha futuru.
no tema ba aktividade Feira Kareira no Edukasaun mak “𝘼𝙩𝙞𝙣𝙟𝙞 𝙁𝙪𝙩𝙪𝙧𝙪 𝘽𝙧𝙞𝙡𝙡𝙖𝙣𝙩𝙚 𝙡𝙞𝙪𝙝𝙪𝙨𝙞 𝘼𝙨𝙚𝙨𝙪 𝙗𝙖 𝙄𝙣𝙛𝙤𝙧𝙢𝙖𝙨𝙖𝙪𝙣 𝙆𝙖𝙧𝙧𝙚𝙞𝙧𝙖, 𝙍𝙚𝙙𝙚 𝙋𝙧𝙤𝙛𝙞𝙨𝙞𝙤𝙣á𝙡, 𝙁𝙤𝙧𝙢𝙖𝙨𝙖𝙪𝙣 𝙑𝙤𝙠𝙖𝙨𝙞𝙤𝙣á𝙡, 𝙀𝙙𝙪𝙠𝙖𝙨𝙖𝙪𝙣 𝙣𝙤 𝘽𝙤𝙡𝙨𝙖 𝙀𝙨𝙩𝙪𝙙𝙪 𝙞𝙝𝙖 𝙍𝙖𝙞-𝙡𝙖𝙧𝙖𝙣 𝙣𝙤 𝙍𝙖𝙞-𝙡𝙞’𝙪𝙧.”
Reprezentante SEFOPE, Diretor Jerál Servisu Koorporativu,Nelso soares, hateten Feira Kareira no Edukasaun ne’e sai importante tebes atu divulga informasaun ba jovem sira no estudante finalista sira iha nivel sekundáriu, hodi sira bele prepara an no foti desizaun apropriadu kona-ba sira-nia futuru hafoin remata estudu.
“Feira Kareira no Edukasaun ne’e sai importante tebes atu divulga informasaun ba jovem sira no estudante finalista sira iha nivel sekundáriu, hodi sira bele prepara an no foti desizaun apropriadu kona-ba sira-nia futuru hafoin remata estudu no Hafoin remata estudu iha nivel sekundáriu, estudante sira bele deside atu kontinua sira-nia estudu ka kapasita sira-nia abilidade liuhusi formasaun profisionál no edukasaun non-formál,” hateten Nelson Soares Carvalho.
Reprezentante SEFOPE mós apela ba instituisaun relevante sira atu kontinua fahe no fó informasaun ba estudante sira, tanba Timor-Leste presiza jerasaun foun ne’ebé iha kapasidade no kompeténsia atu kontribui ba dezenvolvimentu nasaun iha futuru.
“hau apela ba instituisaun relevante sira atu kontinua fahe no fó informasaun ba estudante sira, tanba Timor-Leste presiza jerasaun foun ne’ebé iha kapasidade no kompeténsia atu kontribui ba dezenvolvimentu nasaun iha futuru.
Agora oportunidade formasaun iha fatin barak. Estudante sira tenke aproveita oportunidade hirak-ne’e, iha vontade atu aprende no kontinua dezenvolve sira-nia kapasidade,” Reprezentante SEFOPE, Diretor Jerál Servisu Koorporativu,Nelso soares
Iha fatin hanesan reprezentante Prezidente Autoridade Munisipál Lautém, Sekretáriu Munisípiu Administrasaun no Finansas, zeferino dos antos sequeira , hateten nia parte hato’o apresiasaun ba SEFOPE tanba realiza atividade ne’e iha Munisípiu Lautém.
‘’ iha biban ida ne’e hau hato’o apresiasaun ba SEFOPE tanba realiza atividade ne’e iha Munisípiu Lautém.no atividade Feira Kareira no Edukasaun ne’e bele fó benefísiu boot ba estudante sira, liuliu iha asesu ba informasaun kona-ba oportunidade edukasaun no formasaun ne’ebé bele ajuda sira prepara sira-nia futuru.daala ida tan hau sujere ba estudante sira atu la partisipa de’it iha feira, maibé aproveita oportunidade sira ne’ebé disponivel, inklui oportunidade bolsa estudu, hahú husi nivel pré-sekundáriu to’o nivel edukasaun aas liu.
Entertantu : atividade Feira Kareira no Edukasaun ne’e, SEFOPE aprezenta informasaun no matéria kona-ba prosesu formasaun profisionál, oportunidade atu asesu ba empregu, autoempregu no empregu temporáriu.
Jornalista;sili
Editor;El
