Lospalos rcl vp 13-10-2026= Edukasaun Munisípiu Lautém realiza atividade sertame ida ba estudante sira husi eskola sira iha Munisípiu Lautém, hodi komémora Fulan Edukasaun no Loron Internasionál ba Mestre sira.iha salaun edukasaun munisipio lautém
Actividade sertame ne’e envolve estudante sira husi eskola 18, kompostu husi Ensinu Báziku 15, Kafe no Eskola Katólika 2, ne’ebé hamutuk partisipa iha sertame ba tinan ida ne’e. no Atividade ne’e hala’o tuir orientasaun hosi nivel nasionál, nu’udar parte hosi komemorasaun Fulan Edukasaun no Loron Internasionál Mestre sira,
No tema ba sertame ne’e “𝘼𝙩𝙪 𝙃𝙖𝙙𝙞𝙖 𝙆𝙪𝙖𝙡𝙞𝙙𝙖𝙙𝙚 𝙀𝙙𝙪𝙠𝙖𝙨𝙖𝙪𝙣, 𝙃𝙖𝙧𝙞𝙞 𝙅𝙚𝙧𝙖𝙨𝙖𝙪𝙣 𝙄𝙣𝙩𝙚𝙡𝙞𝙜𝙚𝙣𝙩𝙚 𝙣𝙤 𝙆𝙧𝙞𝙖𝙩𝙞𝙫𝙖”.
Reprezentante Prezidente Autoridade Munisipál Lautém, Sekretáriu Munisipál ba Asuntu Sosiál no Organizasaun Komunitária, 𝗦𝗿. 𝗙𝗿𝗮𝗻𝗰𝗶𝘀𝗰𝗼 𝗱𝗼𝘀 𝗦𝗮𝗻𝘁𝗼𝘀, hateten kona-ba importánsia profesór sira iha prosesu dezenvolvimentu edukasaun no formasaun lideransa iha nasaun.
‘’ Hau hato’o mensajen kona-ba importánsia profesór sira iha prosesu dezenvolvimentu edukasaun no formasaun lideransa iha nasaun. Tamba profesór sira iha papél importante tebes iha formasaun jerasaun foun no preparasaun lider sira ba futuru. Tanba ne’e, profesór sira sai nu’udar elementu importante ida iha harii nasaun liu husi edukasaun. no komemorasaun Fulan Edukasaun no Loron Internasionál Mestre sira sai oportunidade ida atu fó valor ba servisu edukadór sira nian, ne’ebé kontribui ba dezenvolvimentu rekursu umanu no formasaun sidadaun sira. Tamba Iha okaziaun ne’e, Sekretáriu Munisipál ne’e dezafia manorin sira atu kontinua hadi’a kualidade hanorin no uza métodu edukasaun ne’ebé apropriadu, hodi promove disiplina, responsabilidade no kriatividade iha estudante sira. Liu husi atividade hanesan sertame ne’e, estudante sira bele dezenvolve sira-nia koñesimentu, abilidade no kapasidade, atu sai jerasaun inteligente, kriativa no iha disiplina.
Jornalista;silisy
Editor;EL
