Lospalos rcl vp 16-10-2026= Autoridade Munisipál Lautém, halao sorumutu ho membru Konsellu Koordenasaun Munisipál no reprezentante instituisaun relevante sira, hodi diskute no halo preparasaun ba realizasaun Festival Fronteira 2026, ne’ebé sei hala’o iha Suku Com, Postu Administrativu Lautém, Munisípiu Lautém, iha Salaun Administrasaun Autoridade Munisipál Lautém
Prezidente Autoridade Munisipál Lautém Melio de jesus hateten sorumutu Konsellu Koordenasaun Munisipál ne’e foka ba deliberasaun no diskusaun kona-ba preparasaun téknika no organizativa ba Festival Fronteira 2026, inklui aprovasaun konseitu festival nian.
‘’Sorumutu Konsellu Koordenasaun Munisipál ne’e foka ba deliberasaun no diskusaun kona-ba preparasaun téknika no organizativa ba Festival Fronteira 2026, inklui aprovasaun konseitu festival nian.o liu husi sorumutu ne’e mós atu diskute kona-ba formasaun no estrutura Komisaun Organizadora, inklui komité sira ne’ebé sei responsabiliza ba implementasaun atividade no preparasaun ba serimónia abertura festival nian. Tamba Komisaun Organizadora ne’e envolve instituisaun relevante sira, inklui Ministériu Administrasaun Estatál (MAE), liuhusi Sekretáriu Estadu Arte no Kultura (SEAK), Centro Nacional Chega (CNC), Ministériu Interiór, liuliu iha área seguransa no imigrasaun, Ministériu Negósiu Estranjeiru no Kooperasaun (MNEK), no parseiru konvidadu sira husi nasaun viziñu Indonézia’’.dehan Prezidente Autoridade Munisipál Lautém Melio de jesus
Prezidente Konsellu Koordenasaun Munisipál mós hateten ajenda atividade Festival Fronteira 2026 sei hala’o durante loron tolu, ho programa oioin ne’ebé inklui Feira Produtu Lokál, aprezentasaun dansa kulturál, semináriu, workshop no atividade kona-ba Ekonómia Azúl.
‘’ Ajenda atividade Festival Fronteira 2026 sei hala’o durante loron tolu, ho programa oioin ne’ebé inklui Feira Produtu Lokál, aprezentasaun dansa kulturál, semináriu, workshop no atividade kona-ba Ekonómia AzúlAtividade hirak-ne’e iha objetivu atu promove no valoriza kultura lokál, haforsa relasaun entre komunidade fronteira, no loke oportunidade ba interkámbiu kulturál, sosiál no ekonómiku entre Timor-Leste no Indonéz’’ hateten Prezidente Autoridade Munisipál Lautém Melio de jesus
Prezidente Autoridade Munisipál Lautém 𝗠é𝗹𝗶𝗼 𝗱𝗲 𝗝𝗲𝘀𝘂𝘀, mos informa katak estimativa partisipante sira hamutuk ema na’in 60, inklui delegasaun no autoridade husi nasaun viziñu Indonézia.
‘’Estimativa partisipante sira hamutuk ema na’in 60, inklui delegasaun no autoridade husi nasaun viziñu Indonézia. Entidade sira ne’ebé espera atu partisipa inklui autoridade husi Kabupaten Belu, Kefa, Kupang no Governu Provinsi Nusa Tenggara Timur (NTT). Tuir informasaun ne’ebé Autoridade Munisipál Lautém simu, despaixu ba partisipasaun Wali Kota Kupang mós iha ona. Aleinde ne’e, joven sira husi NTT ne’ebé sei partisipa hamutuk na’in 20, seidauk inklui ekipa autoridade sira. Autoridade Munisipál Lautém mós simu informasaun kona-ba partisipasaun delegasaun husi Kefa hamutuk ema na’in 14, no sidadaun Indonézia sira husi Illa Kisar no Wetar hamutuk ema na’in 16, ne’ebé hatudu interese atu partisipa iha eventu ne’e’’ .hateten Prezidente Autoridade Munisipál Lautém Melio de jesus
Entertantu :Iha parte lokál, Postu Administrativu ne’en iha Munisípiu Lautém sei mobiliza komunidade atu partisipa iha festival. Kada postu sei prepara reprezentante sira, inklui jovem ba aprezentasaun dansa kulturál, lia-na’in, reprezentante gastronomia no indústria kreativa, tuir distribuisaun partisipante ne’ebé planeia ona.
Jornalista;sili
Editor;El
