Lospalos rcl vp 23-10-2026= Festival fronteira iha munisipio lautém sei hametin interasaun entre jovem sira husi Munisípiu Lautém no Indonézia, hodi haburas dame no estabilidade iha área fronteira.
Prezidente Autoridade Munisípiu Lautém, Melio de Jesus, hateten katak kultura iha papél importante iha prosesu rezolusaun problema entre komunidade, tanba desde tempu uluk, komunidade sira uza prátika tradisionál nu’udar dalan atu rezolve diferensa no hametin relasaun.
‘’ kultura iha papél importante iha prosesu rezolusaun problema entre komunidade, tanba desde tempu uluk, komunidade sira uza prátika tradisionál nu’udar dalan atu rezolve diferensa no hametin relasaun.no hau mos fo apresiasaun ba inisiativa SEAK no instituisaun sira ne’ebé envolve, inklui CNC, tanba uza kultura nu’udar instrumentu ida atu aproxima komunidade no promove kooperasaun no Festival Fronteira bele fó impaktu pozitivu ba dezenvolvimentu nasionál, liuhusi valorizasaun kultura, hametin relasaun entre komunidade no haburas espíritu kooperasaun entre Timor-Leste no Indonézia.’’ Prezidente Autoridade Munisípiu Lautém, Melio de Jesus
Entertantu :Ho realizasaun festival ne’e, komunidade no juventude husi nasaun rua iha oportunidade atu kontinua hametin amizade, fahe esperiénsia kultura no dezenvolve diálogu konstrutivu, inklui kona-ba oportunidade ekonomia azul no dezenvolvimentu sustentável iha área fronteira marítima
Jornalista;Sili
Editor;El
