Lospalos rcl vp 12-11-2026= Loron 12 de novembru sai loron istoriku ba nasaun timor leste ho nune’e juventude foin sae sira tenki hamutuk hodi kria paz no estabilidade hodi kontribui ba Dejenvolvimentu iha munisipio lautém
Cordenadór komité 12 de novembru munisípiu lautém, valenti dos santo natto, husu ba jerasaun foin-sa’e sira atu hamutuk ho objetivu ida de’it, hodi kontribui ba dezenvolvimentu iha munisípiu lautém.
‘’Hau nafatin husu ba jerasaun foin-sa’e sira atu hamutuk ho objetivu ida de’it, hodi kontribui ba dezenvolvimentu iha munisípiu lautém,iha tempu pasadu juventude sira husi munisípiu diferente, maski mai husi fatin ne’ebé la hanesan, maibé iha espíritu solidariedade no unidade ne’ebé forte, sira hamutuk ho espíritu luta no korajen, hodi defende direitu povu timor-leste nian até konsegue independénsia no estabelese nasaun RDTL. tanba ne’e nia husu ba jerasaun foin-sa’e sira atu foku ba edukasaun, hadok an husi atividade no organizasaun ne’ebé la fo benefísiu ba futuru juventude, no partisipa ativamente iha prosesu dezenvolvimentu nasionál, tanba juventude mak parte importante hodi hari’i futuru rai timor-leste nian.
Reprezentante Juventude iha Munisípiu Lautém Leonia Freitas Lopes, hato’o Agradecimentu ba luta-na’in sira tanba liu husi sira-nia sacrifísiu no kontribuisaun, ohin loron juventude sira konsegue goza liberdade no independénsia.
‘’Hau hato’o Agradecimentu ba luta-na’in sira tanba liu husi sira-nia sacrifísiu no kontribuisaun, ohin loron juventude sira konsegue goza liberdade no independénsia.tamba juventude iha tempu pasadu no juventude sira iha tempu atual iha situasaun diferente, juventude sira iha tempu pasadu hatudu unidade no solidariedade ne’ebé forte iha luta ba libertasaun, enkuantu juventude iha tempu atual,ne’e nia husu atu kontinua hamutuk no halo esforsu hodi hatutan no valoriza luta no kontribuisaun ne’ebé luta-na’in sira halo ona ba rai doben ida ne’e’’
Prezidente Komisaun Organizadora, Denilson dos Santos da Cruz mos hateten relasiona ho komemorasaun loron Nasionál juventude no loron 12 de novembru tinan 2026, MJDK aloka ona orsamentu hamutuk dólar amerikan atus nen ba munisípiu lautém, hodi Apoia Atividade Komemorasaun iha Postu Administrativu nen iha Munisipiu Lautem.
‘’ Relasiona ho komemorasaun loron nasionál juventude no loron 12 de novembru tinan 2026, mjdk aloka ona orsamentu hamutuk dólar amerikan atus nen ba munisípiu lautém, hodi apoia atividade komemorasaun iha postu administrativu nen iha Munisipiu Lautem.tamba atividade sira ne’ebé komisaun organiza iha munisípiu lautém inklui semináriu kona-ba loron nasionál juventude ba dala 21, no kalan refleksaun, enkuantu iha loron 12 novembru komisaun planeia halo misa agradecimentu no kari ai-funan iha osuáriu lospalos.
Entertantu: atu apoia komemorasaun tinan ida ne’e, komisaun hetan mos kontribuisaun osan husi empresáriu lokál sira iha lautém, hamutuk dólares amerikan atus tolu hitunolu-resin-tolu no husi orsamentu ne’ebé disponível,komisaun aloka ona dólar amerikanu nennolu ba postu administrativu ida-idak,hodi apoia atividade komemorasaun loron 12 de novembru iha postu administrativu nen iha lautem.
Jornalistaa;Nito
Editor;El
