Lospalos, Rcl Vp 29-09-2025: Husi Embaixador, United Kingdom (UK) ba Timor-Leste no Indonesia ho ekipa ba komunidade sira iha Postu Administrativu Lospalos, atu rona hanoin no rezultadu ne’ebé Lautém oan sira ba servisu ba iha United Kingdom (UK), no enkontru ne’e hala’o iha Centru Cultural Losplos Munisipio Lautem.
Prezidente Autoridade Munisípiu Lautém, Melio de Jesus hateten, Vizita husi Embaixador, United Kingdom (UK) ba Timor-Leste no Indonesia ida ne’e sai hanesan amizade no importante tebes hodi hametin relasaun entre Autoridade Munisípiu Lautém no Reinu Unidu hodi bele servisu hamutuk iha futuru.
‘’ Vizita husi Embaixador, United Kingdom (UK) ba Timor-Leste no Indonesia ida ne’e hanesan amizade no importante tebes hodi hametin relasaun entre Autoridade Munisípiu Lautém no Reinu Unidu, atu nune’e bele servisu hamutuk iha futuru, nune’e mós ligasaun historia ne’ebé eziste entre Povu Timor-Leste liu-liu Povu Munisípiu Lautém no Povu Reinu Unidu nian,tamba nudar Lider másimu iha Munisípiu Vizita ida ne’e Autoridade Munisípiu Lautém konsidera nu’udar onra boot ida ba Munisípiu Lautém no oportunidade importante atu hametin amizade konfiansa no relasaun ba totalmente Reinu Unidu no Autoridade Munisípiu Lautém, Nune’e iha Vizita ida ne’e sei fó inspirasaun ba Autoridade Lokal sira hotu hodi halibur esforsu halo traballu direta ba dezenvolvimentu Ekonómia ba komunidade sira,Lautém iha relasaun bilaterál ho Reinu Unidu ho Povu Timor-Leste liu-liu Povu husi Munisípiu Lautém ne’ebé hetan oportunidade atu servisu iha Reinu Unidu hodi apoiu ekonomia familiár sira nian iha Munisípiu Lautém, Nune’e Autoridade Munisípiu Lautém sei kontinua nakloke nafatin hodi forma kooperasaun ne’ebé bele fó vantajen diak entre Povu rai rua nian, tanba ida ne’e Autoridade Munisípiu Lautém kompremitidu atu valoriza nafatin relasaun ida ne’e hodi bele loke oportunidade ba jerasaun foun sira iha futuru.no Munisípiu Lautém mós hakarak funda no alarga liu tan kooperasaun bilaterál iha setór sira hanesan Edukasaun, Saúde, Agrikultura, Turísmu, Infraestrutura no área sira seluk ne’ebé bele fó benefísiu ba Povu iha Munisípiu Lautém.” hateten Prezidente Autoridade Munisípiu Lautém, Melio de Jesus 26/09/2025
iha Sorin seluk Embaixadór, United Kingdom (UK) ba Timor-Leste no Indonesia, Dominic Jermey mos hateten,nia Parte sente kontente no haksolok tebes, bainhira halo Vizitasaun ba Munisípiu Lautém, no liu husi vizitasaun ida ne’e atu hametin relasaun diak no amizade entre Reinu Unidu no Munisípiu Lautém hodi buka oportunidade atu esplora bele servisu hamutuk iha futuru.
‘’Hau sente kontente no haksolok tebes, bainhira Vizita Munisípiu Lautém, depois liu tinan 20 liu ba.no Nu’udar Embaixadór reprezenta Reinu Unidu ne’ebé mai vizita Komunidade sira iha Munisípiu Lautém, iha vizita ida ne’e atu hametin relasaun diak no amizade entre Reinu Unidu ho Munisípiu Lautém hodi buka oportunidade atu esplora bele servisu hamutuk iha futuru,tamba ida ne’e, Embaixador United Kingdom (UK) ba Timor-Leste no Indonesia agradese ba Prezidente Autoridade Munisípiu Lautém, ne’ebé autoriza hodi vizita nia Komunidade sira hodi hare rezultadu ba sidadaun Lautém oan sira ne’ebé servisu iha UK ne’ebé haruka osan mai família hodi sustenta nesesidade lor-loron nian, balun halo uma no halo negósiu ne’ebé Munisípiu Lautém iha mudansa ,tamba hau mos haree daudaun ona ba prosesu estabelese Embaissada Reinu Unidu nian iha Timor-Leste iha tinan oin, atu nune’e bele fasilita prosesu viza bainhira sidadaun timor oan liu-liu Lautém oan sira hakarak ba servisu iha Reinu Unidu.” hateten Embaixadór, United Kingdom (UK) ba Timor-Leste no Indonesia, Dominic Jermey,
Entertantu Embaixadór UK ho nia ekipa halo vizitasaun ba fatin Historiku no Kultura sira iha Munisípiu Lautém hanesan fatin turizmu Illa Jaco no Uma Lulik Tradisional iha Munisípiu Lautém nian.
Jornalista : sisi
Editor: El
