Lospalos, Rcl Vp: 11-11-2025: Relasiona ho selebrasaun Loron Nasional Juventude ba dala rua nolu no komemorasaun Masakre Santa Cruz ba dala 34 iha munisipio lautém , Ministeiru Juventude Desportu arte no Cultura Aloka orsamentu ho montante hamutuk dolares Americano Rihun hat atus ida ,no husi total orsamentu ne’e Centru Juventude Munisipio Lautem sei Aloka Orsamentu Atus nen ba Kada Postu Administrativo sira iha Munisipio lautem.
Directur Ejecutivo Centru dezenvolvimentu Juventude Lautem, Ruijina Viegas ba Jornalista RCL hateten,Iha tinan ida ne’e Ministeiru Juventude Desportu arte no Cultura hamutuk ho Centru Dezenvolvimentu juventude Lautem sei implementa 12 de Novembro iha Suco Bauro Postu Lospalos.
‘’ Iha tinan ida ne’e Ministeiru Juventude Desportu arte no Cultura hamutuk ho Centru Dezenvolvimentu juventude Lautem sei implementa 12 de Novembro iha Suco Bauro Postu Lospalos,no Actividade Prinsipal nebe mak sei halao ba 12 de Novembro mak hanesan, Misa Solene no kari aifunan, Seminario ba Joven sira,kalan refleksaun.” hateten Directur Ejecutivo Centru dezenvolvimentu Juventude Lautem, Ruijina Viegas 10/11/2025.
Ruinjinha mos hateten, aktividade ba selebrasaun Loron Nasional Juventude no komemorasaun Masakre Santa Cruz mak hanesan seminario ba Juventude sira, kalan refleksaun, misa agradesimentu no kari aifunan.
” iha Loron sanolu resin ida ne’e sei halo seminario ba Juventude sira ,no kalan refleksaun ,maibe iha misa solene no kari aifunan mak sei halao iha loron 12 de Novembru aban,tamba 12 de Novembro ida ne’e importante ba ita Hotu Liu-liu ba Joven sira no 12 Novembru ida ne’e mos siknifikante id aba ita timor oan hotu ba ita nasaun Timor Leste Liu-liu ba Lautem oan sira. dehan Ruijina Viegas
Entertantu husu ba Juventude munisipio lautém atu bele partisipa ba loron masakre santa Crus nunee bele Kontribui ba dezenvolvimentu nasaun Timor Leste
jornalista: sisi
Editor: El
