Lospalos rcl vp 17-07-2026=Autoridade Munisipál Lautém, serviso hamutuk ho komuniade Postu adminitrativo Luro hodi halao lansamentu koileta haree iha Suku Kota Mutu, Postu Administrativu Luro, Munisípiu Lautém.
Prezidente Autoridade Munisipál Lautém Melio de jesus iha abertura koileta Produsaun hare’e ne’e hateten nia parte apresia no agradese ba grupu agrikultór sira iha Suku tolu hanesan Konta-Mutu, Luro no Afabubo ne’ebé utiliza irrigasaun ne’e hodi halo natar atu hasa’e produsaun ai-han iha Munisípiu Lautém liuliu iha Postu Administrativu Luro.
‘’hau apresia no agradese ba grupu agrikultór sira iha Suku tolu hanesan Konta-Mutu, Luro no Afabubo ne’ebé utiliza irrigasaun ne’e hodi halo natar atu hasa’e produsaun ai-han iha Munisípiu Lautém liuliu iha Postu Administrativu Luro,tamaba liu husi agrikultór sira nia esforso no sira nia inisiativa hodi halo natar ba rai ne’ebé ladún tetuk, maibé inisiativa grupu agrikultór fila rai nakfilak ba natar hodi kuda hare atu halo produsaun iha Munisípiu Lautém’’ dehan Prezidente Autoridade Munisipál Lautém Melio de jesus
Lider másimu iha Munisípiu Lautém mos informa katak antes halo inaugurasaun projetu irrigasaun Ira-Oman, grupu agrikultór sira utiliza uluk irrigasaun hodi halo natar kontinua kuda haree hamutuk 8,61 hectare ne’ebé nia rezultadu hatudu ne’ebé di’ak, tanba ida ne’e atividade ida ne’e kontinua hodi hasa’e produtividade kuda haree faze tuir mai, iha esperansa katak natar sira ne’ebé sei abandona tinan oin grupu agrikultór sira bele utiliza hotu hodi nune’e bele garante produsaun ai han iha Munisípiu Lautém espesiál iha Postu Administrativu Luro.
‘’ Antes halo inaugurasaun projetu irrigasaun Ira-Oman, grupu agrikultór sira utiliza uluk irrigasaun hodi halo natar kontinua kuda haree hamutuk 8,61 hectare ne’ebé nia rezultadu hatudu ne’ebé di’ak, tanba ida ne’e atividade ida ne’e kontinua hodi hasa’e produtividade kuda haree faze tuir mai, iha esperansa natar sira ne’ebé sei abandona tinan oin grupu agrikultór sira bele utiliza hotu hodi nune’e bele garante produsaun ai han iha Munisípiu Lautém espesiál iha Postu Administrativu Luro.no territóriu Munisípiu Lautém kuaze 60 irrigasaun sei utiliza tradisionál, nune’e polítika Nonu Governu Konstituisionál servisu hamutuk ho Governu lokál nafatin tau atensaun másimu ba komunidade agrikultór sira nia nesesidade liuliu fasilidade sira oinsá atu fasilita no sustenta hodi hasa’e produsaun ai han’’ hau mos informa katak Governu lokál tau ona orsamentu iha tinan 2027 nian, atu sosa mákina 15 tratór boot 5, hand tratór 30 no tratór médiu hamutuk 10, ne’ebé prioridade liu iha tinan 2027, maibé desizaun husi Komisaun Revizaun Polítika (KRP) no kontinua debate iha Parlamentu Nasionál’’ hateten Prezidente Autoridade Munisipál Lautém Melio de jesus
entertantu natar hamutuk 17,8 hectare, daudaun ne’e grupu agrikultór sira utiliza ona 8,61hektare no natar ne’ebé sei abandona hamutuk 8,77 hektar no benefisiáriu sira ne’ebé utiliza natar husi Suku Tolu hanesan Kota Mutu, Luro no Afabubo
Jornalista;nito
Editor;el
