LOSPALOS, RCL VP,22-10-2025: Autoridade Munisípiu Lautém, hala’o Audiensia Públika ho Membru Comisaun C no G ,iha sala Plenaria Parlamentu Nasionál hodi aprezenta no diskute Orsamentu Jerál Estadu (OJE) 2026 ne’ebé hala’o iha Parlamentu Nasionál.
Sesaun ne’e fó oportunidade ba Membru Governu husi Ministériu Administrasaun Estatal atu esplika prioridade programa ligadu ba Orsamentál, Programa, no Planu Estratéjiku Ministériu no Prezidente Autoridade Munisipál sira inklui Prezidente Autoridade Administrativa Atauro nian ba tinan 2026, ne’ebé foka liu ba Desentralizasaun no Poder Lokál, Dezenvolvimentu Lokál.
No iha Audiénsia ne’e importante tebes ba Deputadu sira atu envolve diretamente ho lideransa MAE nian, hato’o pergunta sira, no fó feed back kona-ba inisiativa sira ne’ebé propoin no prioridade ba finansiamentu sira.
Audiénsia ne’e akompaña husi Prezidente Autoridade Munisipál sira, Prezidente Autoridade Ataúro, no Dirijente sira husi MAE nian, hodi hatudu esforsu ida ne’ebé koletivu hodi garante katak Governasaun lokál no prestasaun servisu kontinua hadi’ak iha Munisípiu hotu.
