LOSPALOS, RCL VP,22-10-2025:Autoridade Munisípiu Lautém, hamutuk ho Diretor Jerál Ministériu Agrikultura hala’o Sosializasaun kona-ba Funsionamentu Irrigasaun Laivai ba Natar Na’in Sira, iha Laivai Aldeia Samalari, Suku Ililai, Postu Administrativu Lautém, Munisípiu Lautém.
Prezidente Autoridade Munisípiu Lautém Melio de Jesus hateten,nia Parte mai hamutuk iha fatin ida ne’e hodi halo sosializasaun Irrigasaun Laivai, ne’ebé Governu Konstrui hodi fasilita ba Komunidade sira atu bele halai natar hodi hasa’e produsaun Haree,iha Munisipio Lautem.
‘’hau mai hamutuk iha fatin ida ne’e hodi halo sosializasaun Irrigasaun Laivai, ne’ebé Governu Konstrui hodi fasilita ba Komunidade sira atu bele halai natar hodi hasa’e produsaun Haree,iha Munisipio Lautem,tamba historikamente ba utilizasaun natar ne’e durante abandona, tanba difikulta husi Irrigasaun, maibe polítika Nonu Governu Konstituisionál bele konstrui Irrigasaun Laivai, atu nune’e komunidade sira bele utiliza Irrigasaun ne’e hodi halo natar, atu nune’e bele kuda natar hodi hasa’e produsaun alimentar iha Munisípiu Lautém,no Irrigasaun ne’ebé konstrui husi Nonu Governu Konstituisionál, ne’ebé pertense iha Suku rua kompostu husi Suku Ililai no Euquise, bele utiliza Irrigasaun ida ne’e ho di’ak, no motiva komunidade ne’ebé servisu anterior ba beiala sira husik hela mai ita.no hau mos grantia katak ba natar 500 Hektare ne’ebé área produtivu tebes iha Suku Ililai no Euquise, ne’ebé apoiu husi Ministeriu Agrikultura no Servisu Munisipál Agrikultura Munisípiu nian hodi fornese fasilidade sira hanesan Traktor, Hen-Trator makina Sama Hare no Kuda Hare, apoiu makina pezadu sira ne’e mai atu dudu mos ai horis sira ne’ebé iha, nune’e bele mós hodi halo natar, tanba ida ne’e komunidade sira servisu koletivu no kolejial iha esperansa ba tinan 2-3 mai sei la sosa tan Fos inportasaun husi rai liur mai iha Munisípiu Lautém liuliu iha Suku Ililai no Euquise.
Entertantu husu nafatin ba Veterano/a no foin sa’e sira atu apoiu ba Nonu Governu Konstituisionál hodi fó seguransa no asegura ba ekipamentu sira hotu ne’ebé iha fatin ida ne’e, tanba ekipamentu sira ne’e ita rasik maka sei utiliza hodi atende ita nia nesesidade, no Irigasaun Laivai ne’e sei fornese Be ba natar hamutuk 500 Hektare, ne’ebé sei asesu Komunidade husi Suku Rua hanesan Euquisi no Ililai, nune’e mós husi Intek ba natar kuaze 4 Kilo resin, ne’ebé responsavel husi Konsultant Jenetbi Gumer.Lda JV, PT Wahana ADYA Indonezia no Contractor CICO Cina ho Orsamentu hamutuk $9, 361, 964.36.
