Lospalos rcl vp Durante ne’e Autoridade Protesaun Sivil ka (APC) Munisipiu Lautem sei menus rekursu humano no ekipamentu serbisu nian nebe difikulta ba sira nia serviso wainhira atu halo atendimentu iha terenu.
Komandante APC Munisipiu Lautem jose agustinho da costa Paicheco hateten,durante APC Munisipiu Lautem menus rekursu humanus no ekipamentu hodi difikulta,ba sira nia serbisu wainhira tun ba terenu.
‘’ durante ami APC Munisipiu Lautem menus rekursu humanus no ekipamentu hodi difikulta,ba sira nia serbisu wainhira tun ba terenu,tamba ne’e hau relata ona ba iha diresaun Nasional ,maibe too ohin loron seidauk iha responde tamba nee nia kontinua rekomenda atu nune governu bele responde ona sira nia difikuldade durante nee ami hasoru .hateten Komandante APC Munisipiu Lautem jose agustinho da costa Paicheco
Hatan ba Preukupasaun nee Diretor Gabinete Planeamentu Estrateziku no Asesoria ( GPEA) paul soares exposto hateten. nia parte alista ona difikuldade APC lautem nian no nia parte mos sei kontinua relata ba komisaun revizaun politika nian atu nune tinan ohin bele tau orsamentu.
” hau alista ona difikuldade nebe APC lautem enfrenta no nia parte sei kontinua relata ba komisaun revizaun politika nian atu nune tinan ohin bele tau orsamentu,tamba obstakulu ka preokupasoes saida mak sira enfrenta iha terenu hare ba kapasidade rekursu, orsamentu, nebe sai pilar importante ba ami atu mai halo enkontru ho preokupadaun sira nee ami sei prepara hotu iha planu aksaun anual 2026 ami aprezenta ona ba komisaun revizaun politika ho ida nee ami tenki define prioridade nebe Munisipiu Lautem para ami bele tau orsamentu.Dehan Diretor Gabinete Planeamentu Estrateziku no Asesoria ( GPEA) paul soares exposto
Entretantu: maske durante ne’e APC Lautem hasoru difikulta nebe oin-oin maibe nafatin prontidaun no serbisu profisional hodi servi ba komunidade iha munisipiu lautem.
Jornalista;sisi
Editor:El
