Lospalos RCL VP, 10-12-2025: Assosiasaun ira-lalaru ( ASIR ) serbisu hamutuk ho assosisaun Futebol Munisípiu Lautém, inklui komunidade sira no Veterano/a iha Suku Muapitine realiza Jogu Futebol Sub-20 ba Taxa Rotativa Masakre Muapitine ba Epoka datolu III, hodi selebra loron Masakre Muapitine ne’ebé ho tema “𝙋𝙧𝙚𝙥𝙖𝙧𝙖 𝙣𝙤 𝙋𝙧𝙤𝙢𝙤𝙫𝙚 𝙁𝙤𝙞𝙣 𝙨𝙖’𝙚 𝙝𝙤 𝙏𝙖𝙡𝙚𝙣𝙩𝙪 𝙁𝙪𝙩𝙚𝙗𝙤𝙡” ne’ebé hala’o iha Kampu Fotebol Masakre Muapitine aldeia Malahara.
Reprezentante Prezidente Autoridade Munisípiu Lautém, Sekretáriu Munisipál Administrasaun no Finansas, Fransisko do santos hateten Objetivu ba eventu Fotebol ida ne’e ho intensaun atu dignifika no valoriza ita nia heroi sira ne’ebe fakar sira nia ran ba rai ida ne’e hetan Independente, no liu husi aktividade Jogu ida ne’e bele hametin kria paz amizade entre Suku ba Suku Postu ba Postu iha Munisípiu Lautém nia laran, atu nune’e bele promove foin sa’e sira liu-liu ho idade 20 mai kraik, atu nune’e futuru bele iha kompete iha nivel Munisipál Nasionál.
‘’ Objetivu ba eventu Fotebol ida ne’e ho intensaun atu dignifika no valoriza ita nia heroi sira ne’ebe fakar sira nia ran ba rai ida ne’e hetan Independente, nune’e Jogu ida ne’e mos bele hametin kria paz amizade entre Suku ba Suku Postu ba Postu iha Munisípiu Lautém nia laran, atu nune’e bele promove foin sa’e sira liu-liu ho idade 20 mai kraik, atu nune’e futuru bele iha kompete iha nivel Munisipál no Nasionál. tamba ne’e hau Agradese ba Komisaun Organizadora liu husi Xefe Suku Muapitine ne’ebé iha komitmentu makas ,tamba kada tinan Komemora Taça Rotativa Masakre Muapitine nian iha area desportiva,tamba ne’e hau husu ba Jogador sira bainira iha Jogu buka bola atu tebe, la’os buka nia maluk sira hodi kria instabilidade, maibe tenke buka bola tebe hodi nune’e bele kria paz no amizade entre jogador sira.no Jogador sira tenke joga tuir nia regra, atu nune’e bele valoriza, dignifika no respeita nafatin Heroi sira liu-liu Masakre Muapitine, tamba liu husi sira nia sakrifisu mak ohin loron ita Independente.” hateten Sekretáriu Munisipál Administrasaun no Finansas, Fransisko do santos, 05/12
Entertantu abertura Jogu Taça Rotativa Masakre Muapitine mak FC Tchauluturu no FC Masakre Muapitine.Enkuantu Jogador sira ne’ebe atu envolve iha Kompetisaun Jogu Taça Rotativa Masakre Muapitine mak hanesan, FC Vila Sentru, FC Savarika, FC Jaco, FC Villa Paz, FC Luarai, FC Omucano, FC Motolori, FC EL Centro, FC Pairara, FC Be Moris, FC Motara, FC RSS, FC Tonsus, FC Masakre Muapitine, FC Tchauluturu, FC Lere-Loho, FC Sengol, FC Belta Trez, FB Buradu, FC Labers.
jornalista: sisi
Editor : El
