Lospalos rcl vp 06-06-2026= Relasiona ho Selebrasaun Loron Nasional Oceano No Loron Mundial Oceano ne’e Komunidade no Estudante sira hala’o limpeza iha Tasi-ibun Iradarate, Suku Iliomar 2°, Postu Administrativu Iliomar, Munisípiu Lautém.
Objetivu ba atividade limpeza iha Tasi-ibun ne’e hodi Proteje no prezervasaun tasi , biodiversidade no promove Ekonómia Azul, hodi garante futuru ne’ebé sustentável. Ho tema “𝙃𝘼’𝙐 𝙉𝙄𝘼 𝙏𝘼𝙎𝙄, 𝙃𝘼’𝙐 𝙉𝙄𝘼 𝙏𝙄𝙈𝙊𝙍”.
Sekretáriu Munisipál Assuntu Sosiais no Organizasaun Komunitária Francisco dos santos hateten, atividade limpeza tasi-ibun sira ne’e bajeia ba komemora loron Nasionál Oceano nian ne’ebé sei komemora iha loron 5 Juñu to’o iha loron 8 Juñu 2026.
‘’ actividade limpeza tasi-ibun sira hodi komemora loron nasionál Oceano ne’ebé sei hala’o iha loron 5 Juñu no komemora loron Mundiál Oceano sei hala’o iha loron 8 Juñu 2026,tamba Autoridade Munisipál orgullu tanba bele organiza actividade ida ne’e, ne’ebé hahú iha loron 30 Maiu ho abertura feira Munisipál hodi komemora loron nasionál Oceano no loron Mundiál Oceano. no atividade limpeza tasi-ibun nian oinsá atu motiva jerasaun sira tuir mai, atu nune’e bele nafatin hadomi ambiente, liuliu iha tasi-ibun sira, tanba bainhira tasi-ibun sira mos nafatin bele atrai turista Lokál, Nasionál no Internasional sira. Tanba ida ne’e mak kada tinan Governu sentral liu husi Governu lokál nafatin hala’o actividade limpeza tasi-ibun sira, hodi selebra loron nasional Oceano iha loron 5 Juñu no loron Mundiál Oceano iha loron 8 Juñu 2026
Jornalista;sylisi
Editor;El
