Lospalos rcl vp 02-06-2026= Prezidente Autoridade Munisipál Lautém hamutuk ho reprezentante Ministériu Petroleo no Rekursu Minerais (MPRM), hahú abertura ba selebrasaun loron Nasionál Oceano no Loron Mundial Oceano iha Munisípiu Lautém ho tema “𝙃𝙖’𝙪 𝙉𝙞𝙖 𝙏𝙖𝙨𝙞 𝙣𝙤 𝙃𝙖’𝙪 𝙉𝙞𝙖 𝙏𝙞𝙢𝙤𝙧” no selebrasaun ne’e sei halo actividade importante sira, abertu loron nasionais Oceano no loron Mundiál Oceano hala’o iha feira Oceano nian iha Kampu 28 Novembru Lospalos Vila.
Autoridade Munisipál Lautem sei hamutuk ho komunidade sira iha kada Postu Administrativu sira hodi selebra loron Nasionál Oceano no loron Mundiál Oceano ho atividade limpeza tasi-ibun no área kosteira ne’ebé furak inklui illa sagradu Jaco, hodi atrai turista Lokal, Nasional no Internasional sira tanba tasi no bee azúl ne’ebé moos no biodiversidade tasi ne’ebé riku, limpeza ne’e atu asegura rekursu tasi nian, nune’e mós tasi mós sai nu’udar ekonomia sustentavel ida ba iha Timor-Leste espesiál iha Munisípiu Lautém.
Prezidente Autoridade Munisipal Lautém 𝐌é𝐥𝐢𝐨 𝐝𝐞 𝐉𝐞𝐬𝐮𝐬 hateten, Autoridade Munisipiu Lautem hahú abertura ba loron Nasionál Oceano no loron Mundiál Ocenano nian, ne’ebé loron Nasionál Oceano sei hala’o iha loron 5 fulan Juinho no loron Mundiál Oceano sei hala’o iha loron 8 fulan Junu.
Lider másimu iha Munisípiu Lautém esplika, selebrasaun loron Oceano iha Munisípiu Lautém ho actividade oi-oin ne’ebé komisaun organizadóra prepara, actividade dahuluk mak limpeza iha área kosteira sira hanesan área kosta súl pertense iha Postu Iliomar no Lore, Kosta Norte pertense iha Postu Lautem no kosta sudeste pertense iha Postu Tutuala ne’ebé rekoñese Illa Jaco.
‘’ Autoridade Munisipiu Lautem hahú abertura ba loron Nasionál Oceano no loron Mundiál Ocenano nian, ne’ebé loron Nasionál Oceano sei hala’o iha loron 5 fulan Juinho no loron Mundiál Oceano sei hala’o iha loron 8 fulan Junu.
Lider másimu iha Munisípiu Lautém esplika, selebrasaun loron Oceano iha Munisípiu Lautém ho actividade oi-oin ne’ebé komisaun organizadóra prepara, actividade dahuluk mak limpeza iha área kosteira sira hanesan área kosta súl pertense iha Postu Iliomar no Lore, Kosta Norte pertense iha Postu Lautem no kosta sudeste pertense iha Postu Tutuala ne’ebé rekoñese Illa Jaco,Tanba ida ne’e, Munisipiu Lautem sei selebra loron Nasional Oceano no loron Mundial Oceano nian ne’ebé ho tema “𝙃𝙖’𝙪 𝙉𝙞𝙖 𝙏𝙖𝙨𝙞 𝙣𝙤 𝙃𝙖’𝙪 𝙉𝙞𝙖 𝙏𝙞𝙢𝙤𝙧”, husi ne’e Excelensia Prezidente Autoridade Munisipal Lautem konvida Povu Munisípiu Lautém tomak mai halo kampaña Nasional kona-ba “𝙃𝙖’𝙪 𝙉𝙞𝙖 𝙏𝙖𝙨𝙞 𝙣𝙤 𝙃𝙖’𝙪 𝙉𝙞𝙖 𝙏𝙞𝙢𝙤𝙧” atu nune’e bele prezerva no konserva biodiversidade sira iha tasi laran, hodi nune’e bele fó is moris no husu ba konsiénsia komunidade sira fo’er sira presiza tau nia fatin iha lixeira, labele soe nafatin iha mota, tanba bainhira tempu udan mota bele lori fo’er sira ba hotu tasi laran hodi fó impaktu ba rikusoin sira iha tasi laran.hateten Prezidente Autoridade Munisipal Lautém 𝐌é𝐥𝐢𝐨 𝐝𝐞 𝐉𝐞𝐬𝐮𝐬
Responsavel Munisípiu Lautém salienta liu tan, Autoridade Munisípiu Lautém sei hahú limpeza iha tasi ibun Lori Postu Lore, iha loron 3 Junu kontinua hala’o limpeza iha Tasi ibun Iradarate Postu Iliomar, iha loron 4 fulan Junu limpeza iha tasi-ibun Com Postu Lautém, iha loron 5 sei selebra loron nasionál Oseano nian ne’ebé sei hala’o iha Kapital Postu Lospalos Villa ho actividade Karavana ne’ebé sei partisipa kada Postu Administrativu, desfile vestuariu ba Oseano nian ne’ebé envolve husi estudante sira, sertame no diskursu públiku ne’ebé sei envolve husi estudante sira, kompetisaun dansa kulturál sei envolve husi kada Postu Administrativu sira no kompetisaun pintura ho tema tasi nian oinsá atu konserva no prezerva Biodiversidade iha tasi laran.
‘’ Autoridade Munisípiu Lautém sei hahú limpeza iha tasi ibun Lori Postu Lore, iha loron 3 Junu kontinua hala’o limpeza iha Tasi ibun Iradarate Postu Iliomar, iha loron 4 fulan Junu limpeza iha tasi-ibun Com Postu Lautém, iha loron 5 sei selebra loron nasionál Oseano nian ne’ebé sei hala’o iha Kapital Postu Lospalos Villa ho actividade Karavana ne’ebé sei partisipa kada Postu Administrativu, desfile vestuariu ba Oseano nian ne’ebé envolve husi estudante sira, sertame no diskursu públiku ne’ebé sei envolve husi estudante sira, kompetisaun dansa kulturál sei envolve husi kada Postu Administrativu sira no kompetisaun pintura ho tema tasi nian oinsá atu konserva no prezerva biodiversidade iha tasi laran.dehan 𝐌é𝐥𝐢𝐨 𝐝𝐞 𝐉𝐞𝐬𝐮𝐬
Entertantu:Hafoin remata abertura ba selebrasaun loron Nasionál Oceano no loron Mundial Oceano, Excelensia Prezidente Autoridade Munisipál Lautém distribui livru ho títulu “𝑶 𝑴𝒆𝒖 𝑴𝒂𝒓 𝑶 𝑴𝒆𝒖 𝑻𝒊𝒎𝒐𝒓” ba estudante sira liu husi Diretor Servisu Munisipál Edukasaun Munisípiu Lautém no Diretor Eskola sira iha Munisípiu Lautém.
Jornalista;silisy
Editor;El
