Lospalos rcl vp 29-04-2026= Autoridade Munisipál Lautém hamutuk ho Diretór Servisu Munisipál Aprovizionamentu hahú fó selebra kontratu ba kompañia lokál sira hamutuk 4 hodi implementa ba projetu Planu Dezenvolvimentu Integradu Munisipál (PDIM) ba tinan Rihun rua rua nolu resin nen (2026) nian, hala’o iha Sala Gabinete Prezidente Autoridade Munisipál Lautém.
Antes atu selebra kontratu ba kompañia lokál sira, Prezidente Autoridade Munisipál Lautém Le sai uluk klauzula ne’ebé iha kontratu laran hanesan kriteria ida ba projetu PDIM nian, nune’e kompañia sira bele servisu tuir kontratu ne’ebé iha.
Prezidente Autoridade Munisipál Lautém Melio de Jesus enkoraja ba kompañia lokál sira ne’ebé hetan ona konfiansa husi Governu lokál,nune’e bele implementa projetu ida ne’e ho responsabilidade tomak hodi hala’o, nune’e bele Garantia kualidade ba konstrusaun nian.
‘’Hau Enkoraja ba kompañia lokál sira ne’ebé hetan ona konfiansa husi Governu lokál,nune’e bele implementa projetu ida ne’e ho responsabilidade tomak hodi hala’o, nune’e bele Garantia kualidade ba konstrusaun nian. No ba Diretor kompañia sira, bainhira projetu hahú, tau uluk papan naran ba projetu ,no Total Orsamentu ba projetu refere nune’e komunidade sira bele hatene’’. Dehan Prezidente Autoridade Munisipál Lautém Melio de Jesus
Entretantu : Kompañia lokál hamutuk 4 ne’ebé Governu lokál fó konfiansa tomak hodi hala’o projetu PDIM 2026, mak hanesan, kompañia Diroma Construction Unip. Lda sei responsavel ba projetu konstrusaun edifísiu foun Postu Administrativu Lautém ,Kompañia Feni Alfanyo Unip Lda
sei responsavel ba reabilitasaun edifísiu Unidade 2 + Moru haleu EBF. no. 1 de Lospalos,Kompañia Novebri Unip LD sei responsavel ba konstrusaun moru foun haleu EBC Raça no Kompañia Rikfrem Construction Unip. Lda. sei responsavel ba projetu konstrusaun foun Moru haleu EBF. Leuro
JornalistaErme
Editor;El
