Lospalos rcl vp 17-07-2026= Autoridade Munisipál Lautém liu husi Sekretáriu Munisipál Planeamentu Investesimentu Dezenvolvimentu Integradu (PIDI) hala’o inagurasaun no Asina Plaka ba projetu Planeamentu Dezenvolvimentu Integradu Munisipál tinan 2025 nian ba irigasaun Ira-Oman iha Suku Kota Mutu, Postu Administrativu Luro Munisípiu Lautém.
Irigasaun ida ne’e sei fornese Bee ba Natar hamutuk 17,8 hectare, dau-daun ne’e agrikultor sira utiliza ona 8,61hektare no natar ne’ebe sei abandona hamutuk 8,77 hektare no benefisiariu sira ne’ebé utiliza natar husi Suku Tolu hanesan Kota Mutu, Luro no Afabubo no konstrusaun ba projetu PDIM 2025 orsamentu hamutuk $145.084,39, ne’ebé responsavél husi kompañia lokál Wilson Anosi, Unip.Lda.
Hafoin remata inagurasaun no Asina Plaka nee, Prezidente Autoridade Munisipál Lautém Melio de Jesus hateten, Kompañia lokal Wilson Anosi, Unip.Lda ne’ebé konsege remata konstrusaun Irigasaun tuir nia tempu ohin bele halo atividade inagurasaun ho susesu.
Lider másimu iha Munisípiu Lautém ne’e mos salienta, inagurasaun Irigasaun Ira-Oman ne’ebé semi tradisional iha Suku Kota Mutu, projetu ida ne’e tinan 2025 liu husi Planeamentu Dezenvolvimentu Integradu Munisipál PDIM 2025, orsamentu ne’ebé hala’o konstrusaun Irigasaun Ira-Oman hamutuk $145.084, 39, ne’ebé responsavél husi kompañia Wilson Anosi, Unip.Lda.
‘’ Kompañia lokal Wilson Anosi, Unip.Lda ne’ebé konsege remata konstrusaun Irigasaun tuir nia tempu ohin bele halo atividade inagurasaun ho susesu no inagurasaun Irigasaun Ira-Oman ne’ebé semi tradisional iha Suku Kota Mutu, projetu ida ne’e tinan 2025 liu husi Planeamentu Dezenvolvimentu Integradu Munisipál PDIM 2025, orsamentu ne’ebé hala’o konstrusaun Irigasaun Ira-Oman hamutuk $145.084, 39, ne’ebé responsavél husi kompañia Wilson Anosi, Unip.Lda’’hateten Prezidente Autoridade Munisipál Lautém Melio de Jesus
Tanba ida ne’e politika Nonu Governu Konstituisional servisu hamutuk ho Autoridade Munisípiu Lautém tau prioriade ba setor agrikultura, oinsa hasa’e produsaun iha rai laran, nune’e tinan 2025-2030 mak infraestrutura baziku sira ne’ebé sai prioridade mak hanesan, estrada, ponte, bee mos, eletrisidade, agrikultura, saude no edukasaun.
Enkuantu planu tinan oin Autoridade Munisipál Lautém atu konstrui no rehabilita irigasaun tradisaun semi tradisional iha Suku Euquise, Suku Serelau, Maina I, Iliomar, Luro Barikafa, Lospalos Be matan Pa Pa Pa, ne’ebe planeia ona no tau ona orsamentu ba iha tinan 2027 iha Planu Dezenvolvimentu Integradu Munisípiu. Aliende Irigasaun ne’ebé tama fundus infraestrutura maka nasapala iha Suku Maina I, Serelau no Irigasaun Planisi Bot iha Suku Mehara utiliza Lagoa bot Ira-Lalaru hodi fornese bee ba natar sira iha Mehara.
Jornalista;sili
Editor;el
