Lospalos rcl vp 21–01-2026=Autoridade Munisipál Lautém hahu hala’o lansamentu Hatuur Fatuk Dahuluk ba Konstrusaun Edifísiu Eletrisidade De Timor-Leste, Empreza Públika (EDTL, E.P) iha Munisípiu Lautém, ne’ebé hala’o iha Aldeia 30 de Agostu, Suku Fuiloru, Postu Administrativu Lospalos, Munisípiu Lautém.
Prezidente Autoridade Munisipál Lautém Melio de jesus hateten, iha lansamentu fatuk dahuluk ba Konstrusaun Edifísiu EDTL ida ne’e hanesan marka historia foun ida mai iha Munisípiu Lautém, tamba tempu Nonu Governu Konstituisionál nia mak foin hala’o lansamentu ba Konstrusaun Edifísiu EDTL nian iha Munisípiu Lautém durante tinan 25 nia laran.
‘’ iha lansamentu fatuk dahuluk ba Konstrusaun Edifísiu EDTL ida ne’e hanesan marka historia foun ida mai iha Munisípiu Lautém, tamba tempu Nonu Governu Konstituisionál nia mak foin hala’o lansamentu ba Konstrusaun Edifísiu EDTL nian iha Munisípiu Lautém durante tinan 25 nia laran,tamba ne’e nu’udar Prezidente Autoridade Munisipál Lautém lori Povu Munisípiu Lautém nia naran hakarak agradese ba Nonu Governu Konstituisionál liu husi Ministériu Obras Públika ka (MOP) ho Sekretáriu Estadu Eletricidade Bee no Saneamentu nia esforsu tomak mak ohin bele hahu hala’o lansamentu ba Konstrusaun Edifísiu EDTL, E.P iha Munisípiu Lautém, atu nune’e funsionáriu sira bele utiliza hodi hala’o atendimentu públiku ba Komunidade sira.
Tamba ida ne’e tuir relatoriu ne’ebé Prezidente Autoridade Munisipál Lautém simu husi Xefe EDTL, E.P, Munisípiu Lautém katak, ba Eletrifikasaun iha Munisípiu Lautém atinje ona porsentu 97, iha Aldeia hamutuk 11 mak seida’uk hetan Eletrisidade, maibe Aldeia 2 mak hala’o ona Programa Eletrifikasaun Komunitária (PEK) no hela Aldeia 9 mak tama ba Eletrifikasaun Nasionál. hateten Prezidente Autoridade Munisipál Lautém Melio de jesus
Iha fatin hanesan, Sekretáriu Estadu Eletricidade Bee no Saneamentu, Santos Noroha mos hatutan, setor Eletrisidade importante tebes ba iha Dezenvolvimentu infraestrutura nian, tamba infraestrutura hanesan setor Xavi ida ba setor sira seluk mak hanesan Estrada, Ponte, Eletrisidade, Bee Mos no sira seluk, nune’e iha Nonu Governu Konstituisionál kompremitidu hodi aselera uluk ba setor infraestrutura.
‘’ setor Eletrisidade importante tebes ba iha Dezenvolvimentu infraestrutura nian, tamba infraestrutura hanesan setor Xavi ida ba setor sira seluk mak hanesan Estrada, Ponte, Eletrisidade, Bee Mos no sira seluk, nune’e iha Nonu Governu Konstituisionál kompremitidu hodi aselera uluk ba setor infraestrutura No Suku sira iha dever tomak hodi bele tau matan ba Konstrusaun Edifísiu EDTL ida, nune’e bele garantia Konstrusaun nia kualidade iha futuru. Dehan Sekretáriu Estadu Eletricidade Bee no Saneamentu, Santos Noronha
Entertantu:Konstrusaun Edifísiu EDTL, E.P Munisípiu Lautém responsavel husi Contractor KRD ENTERPRISE PTE, LTD JV ALGIS ENG. CONS. UNIP LDA ne’ebé ho montante Orsamentu hamutuk $ 789,29.99 mai husi Fundus Infraestrutura
Jornalista;silisy
Editor;El
