Lospalos rcl vp 12-08-2026= Autoridade Munisipál Lautém, halao sorumutu Konsellu Koordenasaun Munisipál hodi diskute no fó aprovasaun ba Proposta Planu Prioridade Governu (PPG) nian ba tinan 2027 iha Salaun Administrasaun Autoridade Munisipál Lautém.
No liu husi sorumutu nee kona-ba apresiasaun no pronúnsia preparasaun ba Lansamentu Estrada Urbana iha Lospalos Vila no Diresaun Trisula no Mehara ne’ebé sei realiza iha 22 Agostu 2026, preparasaun ba 30 Agostu 2026 nu’udar loron nasionál, no preparasaun ba Inaugurasaun Monumentu Dom Martino da Costa Lopes, ne’ebé sei realiza iha 9 Setembru 2026, iha Suku Mehara, Postu Administrativu Tutuala.
Iha abertura sorumutu, Prezidente KKM, Mélio de Jesus, hatete Autoridade Munisipál Lautém hahú fali sorumutu KKM ba fulan Agostu ho prioridade prinsipál ida, mak diskute kona-ba Prioridade Polítika Governu (PPG), ne’ebé iha ona ajustamentu iha mekanizmu prosesu revizaun.
‘’membru KKM sei diskute kona-ba planu no proposta PPG 2027, inklui mekanizmu kona-ba Orsamentu Jerál Estadu (OJE), ne’ebé iha mudansa husi mekanizmu Komisaun Revizaun Orsamentu (KRO) ba Komisaun Revizaun Polítika (KRP)no ba tinan 2027 iha ona mudansa importante iha prosesu revizaun proposta, tanba komisaun ne’ebé responsavel agora mak KRP. Tanba Autoridade Munisipál sira hetan tutela husi Ministério Administrasaun Estatal (MAE), proposta husi Munisípiu sei liu husi MAE antes lori ba Ministério Finansas (MF).
no Tuir nia, KRP sei haree no diskute proposta sira tuir argumentu, prioridade no razaun ne’ebé kada Autoridade Munisipál aprezenta no defende. antes tama ba diskusaun, no hau mos fó oportunidade ba membru sira atu hato’o proposta no rekomendasaun. Maibé, iha oportunidade ne’e laiha membru ruma hato’o proposta ka rekomendasaun adisionál. Ho Nune’e, sorumutu kontinua ba votasaun kona-ba orden traballu. Rezultadu votasaun hatudu A-Favor 51, Kontra 0 no Abstensaun 0, no orden traballu aprova atu kontinua ba diskusaun no .Iha ajenda dahuluk, sorumutu diskute kona-ba ajustamentu no aprovasaun ba Proposta Planu Prioridade Governu (PPG) 2027’’
Prezidente Autoridade Munisipál Lautém fó oportunidade ba Diretor Ajénsia Planeamentu atu halo aprezentasaun kona-ba proposta PPG 2027, atu nune’e membru KKM sira bele komprende no haree prioridade sira ne’ebé sei propoin ba tinan 2027.
‘’Iha Diskusaun ne’e importante atu asegura katak proposta prioridade Munisipál sira reflete nesesidade no prioridade dezenvolvimentu iha Munisípiu Lautém, antes proposta ne’e kontinua ba prosesu revizaun iha nivel nasional no Iha ajenda daruak, sorumutu halo apresiasaun no pronúnsia kona-ba preparasaun ba Lansamentu Estrada Urbana iha Lospalos Vila ne’ebé sei realiza iha 22 Agostu 2026. No hau mos klarifika katak ajenda ne’e la presiza votasaun, maibé fó apresiasaun no orientasaun kona-ba preparasaun ba atividade lansamentu projetu estrada urbana, ne’ebé kompostu husi pakote rua no hau orienta Sekretáriu Munisipál, Planeamentu Investimentu no Dezenvolvimentu Integradu (PIDI), no Diretor Servisu Munisipál sira atu hahú kedas koordenasaun ho kompanhia ne’ebé responsavel ba projetu refere, hodi asegura preparasaun ba serimónia lansamentu la’o ho di’ak, tamba hau orienta Administrador Postu Administrativu sira atu mobiliza komunidade hodi partisipa iha serimónia lansamentu, inklui organiza transporte ba komunidade sira. No Aleinde ne’e, komunidade sira mós sei prepara apresentasaun kultura, inklui dansa tradisionál, atu aprezenta iha ámbitu serimónia lansamentu Estrada Urbana.no mos Ba ajenda tuirmai, sorumutu mós halo apresiasaun no pronúnsia kona-ba preparasaun ba 30 Agostu 2026 nu’udar loron nasionál, no preparasaun ba Inaugurasaun Monumentu Dom Martino da Costa Lopes, ne’ebé sei realiza iha 9 Setembru 2026, iha Suku Mehara, Postu Administrativu Tutuala’’
Jornalista;silisy
Editor;El
