Lospalos rcl vp 02-06-2026= Autoridade Munisipál Lautém hakao serimónia Içar Bandeira Nasional ba semana dahuluk fulan Junu tinan Rihun rua rua nolu resin nen hodi hato’o respeitu ba nasaun no fó valór Patriotizmu Nasionalizmu ba Povu no ba Rai ida ne’e, iha rasintu Autoridade Munisipál Lautém .
Reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária (ASOK) Fracisco Dos Santos hateten nia parte fó agradese ba funsionáriu sira, tanba formatura tuir nia regra ne’ebé di’ak iha semana dahuluk fulan Junu nian, aleinde ne’e mós fó agradese ba responsavel serimónia Içar Bandeira Nasionál organiza Coru ne’ebé hatudu nia rezultadu di’ak.
‘’hau agradese ba funsionáriu sira, tanba formatura tuir nia regra ne’ebé di’ak iha semana dahuluk fulan Junu nian, aleinde ne’e mós fó agradese ba responsavel serimónia Içar Bandeira Nasionál organiza Coru ne’ebé hatudu nia rezultadu di’ak no mos salienta liu tan nu’udar funsionáriu públiku bainhira serimónia Icar Bandeira Nasional ba Semana dahuluk tenke partisipa hakmatek no silénsiu atu bele fó valór patriotizmu no nasionalizmu iha nasaun RDTL.
Aleinde ne’e Sekretáriu Munisipál Asuntu Sosiais no Organizasaun Komunitária apresia tebes ba funsionáriu sira hotu hahú husi funsionáriu kazuais to’o funsionáriu permanente tamba liu husi sira nia esforsu ho responsabilidade ba atendimentu públiku nian mak taxa ezekusaun orsamentu trimestre segundu ba tinan ida ne’e Munisípiu Lautém mak primeiru lugár nivel nasionál ho porsentu 41 %.tamba ne’e enkoraja ba funsionáriu sira hotu mantein ho servisu no responsabilidade tomak hodi serví Povu Munisípiu Lautém tomak, atu nune’e taxa ezekusaun bele nafatin mantein iha trimestre tuir mai.
‘’ hau apresia tebes ba funsionáriu sira hotu hahú husi funsionáriu kazuais to’o funsionáriu permanente ita hotu nia esforsu ho responsabilidade ba atendimentu públiku nian mak taxa ezekusaun orsamentu trimestre segundu ba tinan ida ne’e Munisípiu Lautém mak primeiru lugár nivel nasionál ho porsentu 41 %.Tanba ida ne’e enkoraja ba funsionáriu sira hotu mantein ho servisu no responsabilidade tomak hodi serví Povu Munisípiu Lautém tomak, atu nune’e taxa ezekusaun bele nafatin mantein iha trimestre tuir mai’’
Jornalista;silisy
Editor;El
