Prezidente Autoridade Munisipál Lautém Melio de Jesus
Lospalos rcl vp 12-05-2026=Autoridade Munisipál Lautém hamutuk ho membru konselho kordenasaun munispal ka (KKM) halao enkontru konsellu Koordenasaun Munisipál Ordinária ne’ebé ho ajenda Sesaun Ordem Traballu mak hanesan proposta Planu Investimentu Munisipál (PIM)-2027 no Planu Asaun Annual (PAA) 2027, no iha salaun Administrasaun Autoridade Munisipál Lautém.
no objektivo ba enkontru ordinária ho membru Konsellu Koordenasaun Munisipál sira ne’e atu diskute asuntu importante sira kona-ba nesesidade komunidade sira nian, ne’ebe lista Planu Investimentu Munisipál (PIM) 2027 hamutuk 54 lista, ne’ebé aprezenta husi Asembleia Postu Administrativu (ASPA), mai iha Munisípiu, husi ne’e Munisípiu deside liu husi reuniaun Konsellu Koordenasaun Munisipál hamutuk 21 projetu mak sai nu’udar prioridade prinsipal ba PIM Munisípiu nian ba tinan 2027.
Prezidente Autoridade Munisipál Lautém Melio de Jesus hateten, reuniaun Konsellu Koordenasaun Munisipál (KKM) ba sesaun Ordem Traballu hamutuk ajenda rua ne’ebé mak atu diskute no aprova, nune’e bele submete ona ba iha Munisitériu Administrasaun Estatal (MAE).
‘’reuniaun Konsellu Koordenasaun Munisipál (KKM) ba sesaun Ordem Traballu hamutuk ajenda rua ne’ebé mak atu diskute no aprova, nune’e bele submete ona ba iha Munisitériu Administrasaun Estatal (MAE)., membru sira ne’ebé efetivu iha reuniaun ida ne’e, atu diskute ajenda rua ne’ebé importante tebes ba nesesidade komunidade sira nian mak Planu Investimentu Munisipál (PIM)-2027 no Planu Asaun Annual (PAA) 2027, nune’e husu ba Diretor/a Servisu Munisipál no Administrador Postu sira nu’udar membru KKM tenke prepara didi’ak ba Planu Investimentu Munisipál (PIM) no Planu Asaun Annual (PAA) 2027, atu nune’e fulan oin, sei diskute no defende iha Comisaun Revizaun Orsamentu (CRO) mak foin deside’’ Dehan Prezidente Autoridade Munisipál Lautém Melio de Jesus
Entertantu : enkontru ordinária ho membru Konsellu Koordenasaun Munisipál sira ne’e lao ho diak tamba hetan partisipasaun masimo husi kada direkotes no xefi departementu husi kada institusaun sira.
Jornalista;silisi
Editor;El
