Prezidente Autoridade Munisipál Lautem Melio de Jesus
Lospalos rcl vp 02-06-2026= Autoridade munisipal lautem husu ba Autoridade Postu sira atu Organija komunidade sira kada fulan tenke halo limpeza jeral iha tasi ibun, nune’e mos halo limpeja iha kada suku no aldeia.
Prezidente Autoridade Munisipál Lautem Melio de Jesus, iha abertura loron nasional no loron mundial ba oceano iha kampu 28 de novembru , husu ba Autoridade Postu no Lider Komunitaria sira ne’ebe partense ba tasi nian ne’e, atu halo limpeja kada fulan dala ida nune’e bele fo ambiente ne’ebe saudavel ba biodiversidade ne’ebe moris iha tasi laran, no postu ne’ebe dok husi tasi Autoridade no Lider Komunitaria sira tenki organija nia komunidade sira atu halo limpeja mos iha aldeia no suku nune’e, bele konserva ambiente ne’ebe diak no kuida ai horis atu ema la bele tesi arbiru, hodi hamosu erosaun no inundasaun
‘’ iha abertura loron nasional no loron mundial ba oceano iha kampu 28 de novembru , husu ba Autoridade Postu no Lider Komunitaria sira ne’ebe partense ba tasi nian ne’e, atu halo limpeja kada fulan dala ida nune’e bele fo ambiente ne’ebe saudavel ba biodiversidade ne’ebe moris iha tasi laran, no postu ne’ebe dok husi tasi Autoridade no Lider Komunitaria sira tenki organija nia komunidade sira atu halo limpeja mos iha aldeia no suku nune’e, bele konserva ambiente ne’ebe diak no kuida ai horis atu ema la bele tesi arbiru, hodi hamosu erosaun no inundasaun.’’hateten Prezidente Autoridade Munisipál Lautem Melio de Jesus
Relasiona ho asuntu ne’e Administrador Postu Lautem, Anacleto Fernandes Xavier, no Administrador Postu Iliomar Fernando Cardoso de Deus hateten, Nudar Autoridade Postu sei Obedese tuir Orientasaun ne’ebe Autoridade Munisipal fo ona orentasaun ba sira atu organija nia komunidade sira atu hala’o limpeja kada fulan iha tasi ibun sira.
‘’ Nudar Autoridade Postu sei Obedese tuir Orientasaun ne’ebe Autoridade Munisipal fo ona orentasaun ba sira atu organija nia komunidade sira atu hala’o limpeja kada fulan iha tasi ibun sira.dehan Administrador Postu Lautem, Anacleto Fernandes Xavier
Sorin seluk Administador Postu Lospalos Olderico Coimbra informa Postu Lospalos dok husi tasi tamba ne’e, sira halo deit limpeja iha kapital lautem nian, lii-liu hamos fo’er hirak ne’ebe, komunidade sira soe Arbiru iha fatin Publiku/ no sei orienta mos ba lider komunitaria sira atu ida idak limpeja iha sira nia suku no Aldeia laran.
Entertanto: loron Nasional no loron Mundial Oceano ba tinan ida ne’e ho tema hau nia tasi hau nia timor, ho nune’e lider masimu iha lautem ne’e, husu ba komunidade sira atu la bele soe foer arbiru, hodi la bele fo impaktu ba biodiversidade iha tasi laran, no konserva nafatin ambiente ne’ebe mos hodi la fo impaktu ba erosaun no inundasaun wainhira udan monu rai.
Jornalista;nito
Editor;El
