Lospalos rcl vp Autoridade munispal munisipio lautém hala’o Konsultasaun Públiku ba Planu Estratejiku Munisípiu Lautém tinan 2025-2030 ba Komunidade sira iha Postu Administrativu Tutuala, iha Sede Suku Mehara, Postu Administrativu Tutuala, Munisípiu Lautém.
No Objetivu husi Konsultasaun ne’e, atu oinsá Autoridade Munisipál Lautém bele rona hanoin no ideia hotu husi sosiedade no Komunidade sira, atu nune’e ekipa elaborador sira no Prezidente Autoridade Munisipál Lautém bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian, tanba planu ne’e Autoridade Munisípiu trasa ba iha tinan 5 nia laran.tamba ne’e Planu ba iha Manoris mos sai hanesan planu ba tinan 5 nian, nune’e mós planu sira ne’e iha futuru bele prienxe kritéria ida, Munisípiu Lautém bele tama ba iha Poder Lokal no Eleisaun Kamara Munisipál nian.
Prezidente Autoridade Munisípiu Lautém Meliu de Jesus hateten, Esbosu ba Planu Dezenvolvimentu ne’ebé prepara husi Autoridade Munisípiu Lautém, ne’e hahu hala’o Konsultasaun Públiku iha Postu Administrativu Tutuala no Konsultasaun ida ne’e sei kobre hotu ba Postu Administrativu nen iha Munisípiu Lautém.
‘’ Esbosu ba Planu Dezenvolvimentu ne’ebé prepara husi Autoridade Munisípiu Lautém, ne’e hahu hala’o Konsultasaun Públiku iha Postu Administrativu Tutuala no Konsultasaun ida ne’e sei kobre hotu ba Postu Administrativu nen iha Munisípiu Lautém,tamba wainhira remata Konsultasaun, Autoridade Munisipál Lautém sei hala’o semináriu ida iha Munisípiu Lautém, nune’e sei konvida intelektuál Munisípiu Lautém oan sira hotu atu partisipa semináriu ida ne’e, atu nune’e bele diskute no fó hanoin ba malu kona-ba ezbosu Planu Estratéjiku Dezenvolvimentu Munisípiu Lautém nian, antes sai nu’udar dokumentus ofisiál ida ba iha Livru PDIM Munisípiu Lautém nian.tamba Konsultasaun ne’e hala’o iha kada Postu Administrativu sira, tanba tenke rona hanoin hotu husi sosiedade no Komunidade sira, ne’ebé sei hetan benefísiu husi implementasaun ba Planu Estratejiku Dezenvolvimentu Munisípiu Lautém, tanba ida ne’e, konsultasaun no sosializasaun ida ne’e tenke la’o, antes hetan elaborasaun finál dokumentus ofisiál.no Hafoin abertura husi, Prezidente Autoridade Munisipál Lautém, Diretor Servisu Ajensia Planeamentu aprezenta uluk Master Plan ba komunidade sira no aprezenta mós kapítulu ba introdusaun hanesan Planu Estratéjiku Dezenvolvimentu Nasionál 2011-2030, Planu Estratejiku dezenvolvimentu Munisipal 2015-2019. Hateten Prezidente Autoridade Munisípiu Lautém Meliu de Jesus
Asesor PARTISIPA mos aprezenta kona-ba Dezenvolvimentu Sosial ho Sub Pilar hanesan Sub Pilar Edukasaun, Sub Pilar Juventude no Desportu, Sub Pilar Saude, Sub Pilar Inkluzaun sosiál no igualdade jéneru, Sub Pilar Ambiente no Sub Pilar Kultura no Eransa.Asesór PARTISIPA kontinua aprezenta Pilar IV kona-ba Enkuadramentu Instituisionál, hanesan Sub Pilar Padraun Instituisional Governu Lokal, Sub Pilar Jestaun Rekursus Humanu Governu Lokal no Sub Pilar Sistema no Prosedimentu Administrativus Governu Lokal ,tamba Aleinde ne’e mós Diretór Ajensia Planeamentu, aprezenta mós Pilar II kona-ba Dezenvolvimentu Infra-Estrutura BazikuHanesan Sub Pilar Estrada, Pontes no Kontrolu de Xeias, Pilar Bee Mos no Saneamentu, Pilar de Eletrisidade, Pilar Transporte Terrestre no Pilar Telkomunikasaun.
Sekretáriu Munisipal Planeamentu aprezenta Pilar III kona-ba Dezenvolvimentu Ekonómia, Sub Pilar Dezenvolvimentu Rural, Sub Pilar Dezenvolvimentu Agrikultura, Peska, Pekuaria no Floresta, Sub Pilar Turismu, Sub Pilar Rekursu Renovavel (Komersiu no Industria), Sub Pilar Investimentu Setor Privadu no Sub Pilar Setor Kooperativa.
Iha biban ne’e Autoridade Munisipál Lautém aproveita Konsultasaun Planu Estratejiku Dezenvolvimentu Munisipiu Lautém iha Postu Administrativu Tutuala, fahe Fos 25Kg no Supermie apoiu Umanitaria ba Suku rua iha Postu Tutuala, enkuantu Suku Tutuala benefisiáriu hamutuk 14 no Suku Mehara ho benefisiáriu hamutuk 14, ne’ebé identifika husi Xefe Suku sira.
Apoiu sira ne’e, Autoridade Munisípiu Lautém halo proposta ba iha Autoridade Protesaun Sivil (APC) hodi oferese Fos 25Kg hamutuk 500 saka mai iha Munisípiu Lautém hodi fahe ba Komunidade Vulneravel sira ne’ebé identifika husi Xefe Suku sira.
Jornalista;ever
Editor;El
