Lospalos rcl vp 04-06-2025 Autoridade Munisipiu Lautém serviso hamutuk ho povu postu Lore hodi halao aktividade Limpeja tasi ibun hodi komemorasaun Loron Mundial Oseanu nian ,iha Tasi-Ibun Lori, Suku Lore I, Postu Administrativu Lore, Munisípiu Lautém.
Prezidente Autoridade Munisipál Lautém, melio de Jesus , hateten, objetivu hamoos fo’er sira iha Tasi-Ibun hodi komemora loron Semana Mundial Oceanio nian, atu konserva biodiversidade sira ne’ebé moris iha Tasi, nune’e bele moris iha ámbitu ne’ebé saudavel, hijiene no Mos, nune’e bele sai nu’udar Fator atraitivu setór ekonomia sustentavel ba iha Ekonómia Azul.
‘’objetivu hamoos fo’er sira iha Tasi-Ibun hodi komemora loron Semana Mundial Oceanio nian, atu konserva biodiversidade sira ne’ebé moris iha Tasi, nune’e bele moris iha ámbitu ne’ebé saudavel, hijiene no Mos, nune’e bele sai nu’udar Fator atraitivu setór ekonomia sustentavel ba iha Ekonómia Azul. No iha rikusoin ne’ebé barak iha tasi laran no rai maran, ne’ebé presiza konserva nune’e bele moris ho saudavel, hijiene, liu husi atividade ida ne’e parte ida ita bele konserva ona no kuidadu biodiversidade sira ne’ebé moris iha Tasi laran, hodi bele rai rikeza ba ita-nia oan no bei-oan sira iha futuru’’ dehan Prezidente Autoridade Munisipál Lautém, melio de Jesus tersa feira(03-06-2025)
𝐌𝐚𝐢𝐣ó𝐫 𝐉𝐞𝐧𝐞𝐫á𝐥 𝐉𝐨ã𝐨 𝐌𝐢𝐫𝐚𝐧𝐝𝐚 “𝐀𝐥𝐮𝐜 𝐃𝐞𝐬𝐜𝐚𝐫𝐭𝐞𝐬” hateten katak komunidade sira tau importánsia ba programa ne’e, tanba Governo hala’o atividade ho objetivu atu organiza no mobiliza e konsellu komunidade sira ne’ebé mak hela besik Tasi Ibun hodi tau importánsia ba limpeza iha Tasi Ibun hodi hamoos plástiku sira iha tasi ibun atu labele fó poluisaun iha tasi laran.
‘’ komunidade sira tau importánsia ba programa ne’e, tanba Governo hala’o atividade ho objetivu atu organiza no mobiliza e konsellu komunidade sira ne’ebé mak hela besik Tasi Ibun hodi tau importánsia ba limpeza iha Tasi Ibun hodi hamoos plástiku sira iha tasi ibun atu labele fó poluisaun iha tasi laran. No importánsia husi atividade ida ne’e parte edukasaun ida ne’ebé mak ita fó hela ba ita-nia oan sira hodi bele banati tuir, oinsá atu bele halo konservasaun ba biodiversidade sira hotu iha tasi laran, tanba biodiversidade iha tasi laran hanesan rikusoin ne’ebé sai hanesan fontes ida ne’ebé fó valór ekonómika ba futuru.’’ Hateten 𝐌𝐚𝐢𝐣ó𝐫 𝐉𝐞𝐧𝐞𝐫á𝐥 𝐉𝐨ã𝐨 𝐌𝐢𝐫𝐚𝐧𝐝𝐚 “𝐀𝐥𝐮𝐜 𝐃𝐞𝐬𝐜𝐚𝐫𝐭𝐞𝐬”tersa feira(03-06-2025)
Entertantu : atividade limpeza Komisaun Organijadora mós organiza atividade sira hanesan poezia, diskursu públiku, dansa tebedai, dansa kulturál, dezeñu husi ne’ebé mak nia tópiku kona ho atividade komemorasaun loron Oceanu nian no kona-ba ambiente no tasi nia. partisipante sira mai husi komunidade, estudante sira ne’ebé pertense iha Postu Lore
Jornalista;sili
Editor;EL
