Lospalos rcl vp 07-10-2026= Autoridade Munisípiu Lautém hala’o enkontru preparasaun ba 𝗘𝘀𝗽𝗼𝘇𝗶𝘀𝗮𝘂𝗻 𝗞𝗼𝗺𝗲𝗺𝗼𝗿𝗮𝘀𝗮𝘂𝗻 𝗟𝗼𝗿𝗼𝗻 𝗣𝗿𝗼𝗸𝗹𝗮𝗺𝗮𝘀𝗮𝘂𝗻 𝗜𝗻𝗱𝗲𝗽𝗲𝗻𝗱é𝗻𝘀𝗶𝗮 𝟮𝟴 𝗡𝗼𝘃𝗲𝗺𝗯𝗿𝘂, 𝗯𝗮 𝗱𝗮𝗹𝗮-𝟱𝟭, iha nivel nasionál,iha Salaun Administrasaun Autoridade Munisípiu Lautém
No objektivo ba ekontru ne’e , atu diskute no prepara partisipasaun Munisípiu Lautém iha atividade komemorativa ne’e.
no Iha diskusaun, asuntu prioridade sira ne’ebé hetan atensaun mak inklui 𝗽𝗿𝗲𝗽𝗮𝗿𝗮𝘀𝗮𝘂𝗻 𝗽𝗮𝗿𝘁𝗶𝘀𝗶𝗽𝗮𝘀𝗮𝘂𝗻 𝗠𝘂𝗻𝗶𝘀í𝗽𝗶𝘂 𝗟𝗮𝘂𝘁é𝗺, liuliu liu hosi formasaun ekipa servisu munisipál ne’ebé sei responsavel ba preparasaun stand/fatin espozisaun, atu nune’e bele aprezenta produtu no potensialidade munisípiu nian ho di’ak
entetantu :liu husi Enkontru ne’e atu fó atensaun ba 𝗽𝗿𝗼𝗴𝗿𝗲𝘀𝘂 𝗴𝗼𝘃𝗲𝗿𝗻𝗮𝘀𝗮𝘂𝗻, liu hosi aprezentasaun susesu no inovasaun sira iha servisu públiku ne’ebé implementa iha Munisípiu Lautém.
Iha oportunidade ne’e, Sekretáriu Munisipál PIDI husu ba Diretor Servisu Munisipál Agrikultura atu prepara produtu lokál sira ne’ebé sei lori ba Díli hodi aprezenta iha espozisaun nasionál iha âmbitu komemorasaun Loron Proklamasaun Independénsia 28 Novembru.
Iha sorin seluk, Sekretáriu Munisipál PIDI sujere ba Diretor Servisu Munisipál Planeamentu, Investimentu no Dezenvolvimentu atu kontinua kontrola no monitoriza ekipa teknika sira ne’ebé dadaun ne’e hala’o hela preparasaun ba 𝘂𝗺𝗮 𝗮𝗱𝗮𝘁 sira.
Enkontru ne’e mós aborda preparasaun ba atividade 𝗙𝗲𝘀𝘁𝗶𝘃𝗮𝗹 𝗙𝗿𝗼𝗻𝘁𝗲𝗶𝗿𝗮, ne’ebé sei hala’o iha nivel nasionál iha Munisípiu Lautém, Postu Administrativu Lautém, Suku Com.
Relasiona ho atividade ne’e, Autoridade Munisípiu Lautém presiza kontinua halo preparasaun no hametin liña koordenasaun ho 𝗦𝗲𝗸𝗿𝗲𝘁𝗮𝗿𝗶𝗮 𝗘𝘀𝘁𝗮𝗱𝘂 𝗔𝗿𝘁𝗲 𝗻𝗼 𝗞𝘂𝗹𝘁𝘂𝗿𝗮 𝗻𝗼 𝗦𝗲𝗻𝘁𝗿𝘂 𝗡𝗮𝘀𝗶𝗼𝗻á𝗹 𝗖𝗵𝗲𝗴𝗮! atu asegura preparasaun no implementasaun atividade sira bele lao tuir planu.
Enkontru ne’e termina ho komitmentu hosi entidade sira ne’ebé envolve atu kontinua servisu hamutuk no halo preparasaun ne’ebé nesesáriu, hodi asegura partisipasaun Munisípiu Lautém iha atividade nasionál sira ne’ebé sei hala’o iha fulan Novembru.
Jornalista;Sili
Editor;El
