Lospalos; Rcl Vp 29-09-2025; Autoridade Munisípiu Lautém, kontinua hala’o Konsultasaun Públiku ba Planu Estratejiku Munisípiu Lautém tinan 2025-2030 ba Komunidade sira iha Postu Administrativu Lospalos Vila, iha Sentru Kultural Postu Administrativu Lospalos Vila, Munisípiu Lautém.
Prezidente Autoridade Munisípiu Lautém, Melio de Jesus hateten, , Autoridade Munisípiu Lautém kontinua hala’o Konsultasaun Públiku ba Planu Estratéjiju Dezenvolvimentu Munisípiu Lautém ba tinan 2025-2030 hodi rona ideia no hanoin husi Sosiedade no Komunidade sira, atu nune’e ekipa elaborador sira bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian.
‘’ Autoridade Munisípiu Lautém kontinua hala’o Konsultasaun Públiku ba Planu Estratéjiju Dezenvolvimentu Munisípiu Lautém ba tinan 2025-2030 hodi rona ideia no hanoin husi Sosiedade no Komunidade sira, atu nune’e ekipa elaborador sira bele rejistu no konsidera prioridade bele tau iha Planu Munisípiu nian antes hetan elaborasaun finál ba dokumentus ofisiál ba PDIM nian.no liu husi , konsultasaun ida ne’e atu ko’alia kona-ba médiu prazu iha Munisípiu Lautém, saida mak ita trasa uluk iha tinan 2015-2019 ita-nia ukun na’in sira iha tempu ne’ebá mós kria livru ida sai mós mestre ida atu servisu tuir ba iha prosesu dezenvolvimentu, maibé agora Autoridade Munisípiu Lautém hala’o konsultasaun mudansa tenke halo konsultasaun públiku ba komunidade sira no entidade sira hotu iha kada Postu Administrativu sira hodi rona ideia no hanoin hotu hodi bele ajusta ba livru mestre ida ne’e.
Tanba ida ne’e mak mudansa iha tinan 2025, ho mudansa hirak ne’e mak komesa iha hanoin halo revizaun ba Livru Planu Estratejiku Dezenvolvimentu Munisipál 2025-2030, nune’e iha oportunidade ida ne’e husu ba partisipante sira husi sosiedade sivíl, Veteranu, Família Martir sira, lider komunitária no korpu relijiozu sira iha Konsultasaun Públiku ida ne’e ekipa tékniku Elaborasaun sira sei aprezenta kona-ba pilár 4 nune’e partisipante sira bele atentu didi’ak, iha konsultasaun ne’e karik partisipante sira nia hanoin ruma bele hato’o hodi enkaiza ba iha ezbosu draft kona-ba Planu Estratejiku ida ne’e.
Tanba ida ne’e mak konvida Veteranu/a sira nafatin hamriik iha oin hodi fó motivasaun ba intelektuál sira, tanba tempu to’o ona atu hamutuk hodi dezenvolve Munisípiu Lautém, maski iha diferensiá hanoin no Polítiku, maibé di’ak ba Povu Munisípiu Lautém nian mai ita hamutuk atu dezenvolve Munisípiu Lautém hodi hasai kiak no mukit, hodi tuir luta na’in sira nia objetivu luta mak liberta pátria, agora liberta Povu iha Munisípiu Lautém’’ hateten Prezidente Autoridade Munisípiu Lautém, Melio de Jesus iha Sentru Kultural Postu Administrativu Lospalos Vila, Munisípiu Lautém sesta feira 19/09/2025.
jornalista ; sisi
editor ; El
