Lospalos rcl vp 27-04-2026=Ministériu Petróleu no Rekursu Minerais (MPRM) liu husi Autoridade Nasionál Minerais Instituto Públiku (ANM, I.P) hala’o Sosializasaun no partilha informasaun kona-ba progresu atividade setór mineriu nian ba komunidade sira atu intende didi’ak ba prosesu dezenvolvimentu setór minerais nian iha Munisípiu Lautém, iha Salaun Parókia Cristo Rei Lautém.
Sekertariu E Ministru Petróleu no Rekursu Minerais, fransisco da costa Monteiro hateten, enkontru ida ne’e orientasaun husi Ministéiru Petróleu no Rekursu Minerais ba Autoridade Nasionál Minerais (ANM) hodi organiza atividade enkontru alargada ba komunidade sira hodi fahe informasaun konaba atividade ba Autoridade Nasionál Minerais niannune’e bele iha intendimentu hodi apar ho empreza internasional sira ne’ebé hala’o atividade iha Aldeia no Suku sira.
‘’ enkontru ida ne’e orientasaun husi Ministéiru Petróleu no Rekursu Minerais ba Autoridade Nasionál Minerais (ANM) hodi organiza atividade enkontru alargada ba komunidade sira hodi fahe informasaun konaba atividade ba Autoridade Nasionál Minerais niannune’e bele iha intendimentu hodi apar ho empreza internasional sira ne’ebé hala’o atividade iha Aldeia no Suku sira.no liu husi enkontru ida ne’e mos importante tebes ba Autoridade Postu no Lider Komunitária sira atu partisipa ho másimu, nobele trasmite tutan ba komunidade sira iha area rurál, atu nune’e komunidade sira labele iha hanoin ne’ebe negativu ba atividade Autoridade Nasional Minerais nian.’’dehan Sekertariu E Ministru Petróleu no Rekursu Minerais, fransisco da costa Monteiro
Governante ne’e husu ba Xefe Suku no Xefe Aldeia sira, atu enkoraja ba komunidade sira no juventude sira atu fó apoiu másimu ba servisu estadu nian liuliu atividade Autoridade Nasionál Minerais nian, ne’ebé iha Suku no Aldeia, atu labele iha tentativa ida atu blokeia no inpedimentu atividade ruma.
‘’ iha biban ida ne’e hau husu nafatin ba Xefe Suku no Xefe Aldeia sira, atu enkoraja ba komunidade sira no juventude sira atu fó apoiu másimu ba servisu estadu nian liuliu atividade Autoridade Nasionál Minerais nian, ne’ebé iha Suku no Aldeia, atu labele iha tentativa ida atu blokeia no inpedimentu atividade ruma.no ba oin labele iha hanoin ida no halo tentavia oioin atu impede atividade estadu nian ne’ebé iha Suku no Aldeia.’’ hateten Sekertariu E Ministru Petróleu no Rekursu Minerais, fransisco da costa Monteiro
Iha fatin hanesan, Prezidente Autoridade Munisipál Lautém Melio de Jesus mos hateten Sensibilizasaun ida ne’e importante tebes ba prosesu dezenvolvimentu tomak iha Munisípiu Lautém iha area setór Minerais nian.
‘’ Sensibilizasaun ida ne’e importante tebes ba prosesu dezenvolvimentu tomak iha Munisípiu Lautém iha area setór Minerais nian,Tanba iha loron 24 Abril tinan 2024, Nonu Governu Konstituisional entrega ona lisensiamentu ba kompaña Estella Resources Limited no Peak Everest Mining iha GOR Munisípiu Lautém, momentu ne’eba Autoridade Munisípiu, Postu, Lider Komunitária no komunidade sira hotu konkorda no aseita katak prosesu dezenvolvimentu tenke la’o ba oin ’’ hateten Prezidente Autoridade Munisipál Lautém Melio de Jesus
Prezidente Autoridade Munisipál Lautém mos enkoraja ba Xefe Suku no Administrador Postu sira presiza iha koordenasaun ne’ebé importante, maski iha razoens, maibé tenke iha koordenasaun ho Administrador Postu no Autoridade Munisípiu hodi buka nia solusaun
‘’ hau enkoraja ba Xefe Suku no Administrador Postu sira presiza iha koordenasaun ne’ebé importante, maski iha razoens, maibé tenke iha koordenasaun ho Administrador Postu no, bainhira kompañia ruma halo dezenvolvimentu iha Aldeia, Suku no Postu tenke konsulta ba malu atu nune’e labele iha dezentendimentu.’’ Hateten Prezidente Autoridade Munisipál Lautém Melio de Jesus
Entertantu: liu husi Sosializasaun ida ne’e, Ekipa tékniku husi Autoridade Nasionál Minerais (ANM) aprezentasaun ida ba partisipasasaun sira kona-ba lala’ok matadalan hodi implementa konteudu lokal espesifiku iha faze Prospesaun no peskiza nian, nune’e Autoridade Postu no lider Komunitaria fila karik bele interpreta asuntu ida ne’e tuir nia dalan no tuir Lei ne’ebe mak iha.
jornalista;jlinda
Editor;El
