Lospalos rcl vp 30-10-2026= Autoridade Protesaun Sivíl (APC) Munisípiu Lautém liu-husi Komandante Munisipal Operasaun Protesaun Sivíl (CMOPC) José Agostinho da Costa Pacheco hamutuk Segundu Komandante Korpu Bombeiros, Victor da Costa Juni, fó treinamentu koná-bá seguransa iha inséndiu no preparasaun emerjénsia ba lider komunitáriu no membru KJDS sira kompostu husi suku Hitu (7) iha fatin edifísiu ONG’s FRATERNA Lospalos- Vila.
Objétivu husi treinamentu ne’e rasik, oinsá Autoridade Komunitáriu no membru KJDS sira iha koñesimentu kona-bá típu no perigu sira ne’ebé posivél hamosu ahi, prevensaun, no meius uza ekipamentus extintór hodi kombâte ahi (insêndio) ho eskála ki’ik.
Enkuantu programa treinamentu ba seguransa kontra inséndiu ne’e bele realiza, aleinde fasilita no hetan suporta husi parseirus ChildFund liu-husi ONG’s FRATERNA. Atráveza treinamentu ne’e, lidera komunitáriu no membru KJDS mós hala’o.
Prátika uza aparellu extintór hodi kombâte ahi ho eskála ki’ik. Iha tempu hanesan, parseiru ChildFund akompaña husi CMOPC fornese mós extintór hamutuk unidade hitu (7) ba kada suku tarjétu sira iha Munisípiu Lautém, hodi instála iha edifísiu sede suku sira.
Jornalista;sisy
Editor;El
