CI Timor Leste faselita Formasaun Espesializada hodi hasae  kapasidade Jornalista sira

Losaplos rcl vp 28-09-2026  Conselho De Imprensa De Timor-Leste (CITL) Hala’o 𝐅𝐨𝐫𝐦𝐚𝐬𝐚𝐮𝐧 𝐄𝐬𝐩𝐞𝐬𝐢𝐚𝐥𝐢𝐳𝐚𝐝𝐚 𝐛𝐚 𝐊𝐨𝐛𝐞𝐫𝐭𝐮𝐫𝐚 𝐉𝐨𝐫𝐧𝐚𝐥í𝐬𝐭𝐢𝐤𝐚 nian hodi  hasa’e no dezenvolve kapasidade téknika no profisionál jornalista sira, hodi nune’e bele hala’o sira nia knaar iha setór komunikasaun sosiál ho kompeténsia no responsabilidade.

No objetivu ba formasaun ida ne’e hodi  ajuda jornalista sira atu bele kompriende no domina terminolojia espesializada iha área oioin, hanesan ekonomia, defeza, seguransa, justisa, ambiente, saúde, no área relevante sira seluk, hodi nune’e bele halo kobertura ho koñesimentu ne’ebé di’ak.

Direcotor Ezekutivu CI Timor Leste Anotonio Dias, hatete formasaun ne’e importante atu jornalista sira bele hasa’e sira nia koñesimentu no kapasidade profisionál.
‘’hau husu nafatin  oportunidade liu husi formasaun ne’e importante atu jornalista sira bele hasa’e sira nia koñesimentu no kapasidade profisionál. Maibé, implementasaun koñesimentu no matéria ne’ebé hetan durante formasaun depende ba kompromisu no inisiativa jornalista ida-idak atu aplika iha sira nia servisu loroloron’’

Entertanto :Formasaun ne’e lao ho diak tamba Partisipa masimo husi  jornalista sira husi mídia nasionál no inklui mós jornalista no  jestór rádiu komunidade sira , ho Total ema na’in 22.