Lospalos; Rcl Vp; 29-09-2025; Comisaun Nasional Eleisaun ka ( CNE sigla postugues ) sei Realiza Debate Publiku ho tema “ita prontu ba Eleisaun Munisipiu” tamba ne’e CNE realiza enkontru ho lideransa Partidus Politikus hodi hato’o mekanismu Debate Publiku antes hakat ba debate publiku iha Munisipal Lautem.
Comisariu CNE Olavio D.C Monteiru Almeida hateten, antes atu hakat ba debate publiku ne’ebe sei realiza iha munisipiu lautem iha loron 30 fulan ne’e ho objektivu atu promove lideransa partidu politiku sira nia kapasidade no mentalidade hafoin hakat ba iha Eleisaun Munisipal.
‘’ antes atu hakat ba debate publiku nebe sei realiza iha munisipiu lautem iha loron 30 fulan ne’e ho objektivu atu promove lideransa partidu politiku sira nia kapasidade no mentalidade hafoin hakat ba iha Eleisaun Munisipal tamba ne’e CNE iha Munisipiu Lautem halo enkontru Brifin entre lideransa lokal partidu politikis iha munisipiu lautem, ne’ebe koalia konaba preparasan eventu importante ne’ebe sei akontese iha lautem mak aktividade debate publiku sei realiza iha loron 30 de setembru. Ho objektivu husi debate ne’e atu promove lideransa partidos politikus iha nivel munisipiu, atu nune sira bele hola parte iha palku politiku hodi halo debate entre lideransa sira nebe eziste iha munisipiu lautem. no ohin partidu lima nee marka prezensa hotu sira mos espresa katak aktividade ne’e importante ba partidu politika. nune sira mos bele hatoo sira nia opinioes vizaun, misaun no programa partidu nian ba publiku engeral espesial ba sira nia militantes.” katak komisariu CNE Olavio D.C Monteiru Almeida 18/09/2025
Kordenador Jeral Partidu Khuntu Denojio Soares heteten, Partido KUNTU Prontu no praradu atu partisipa debate publiku entre lideransa partidus politiku sira hodi hato’o mos sira nia programa estratejiku relasiona ho dezentralizasaun no poder lokal.
” ami apresia ho programa ne’e ne’ebe maka mai ho mekanismu debate publiku, parte partidu khunto hanesan ema politiku konserteza ami prepara para hasoru debate, no ami mai ho programa no estrategia ne’ebe foka liu ba dezentralizasaun no poder lokal ohin liu husi enkontru ho meios ne’e ami tenta atu prepara ami nia programa hodi hato’o iha debate publiku.” Dehan Kordenador Jeral Partidu Khuntu Denojio Soares
Vice Kordenador partidu CNRT Munisipiu Lautem, Luis Dos Santos mos hateten, nia parte prontu atu tuir aktividade debate publiku hodi hato’o mos sira nia vizaun no misaun.
” ami prontu atu tuir aktividade debate publiku hodi hato’o ami nia vizaun no misaun. partidu cntr sei partisipa debate publiku sei aprezenta personalidade politika iha momentu dia 30 setembru ne’e, tamba planu no programa CNRT nia komitmentu ho povu no serbisu balun la’o dadaun konkretamente ba eleisoens Munisipais, nudar partidu politik hakarak dezentralizasaun bele halo apresiadamente ho lalais porque rekursu humana munisipiu lautem iha ona prontidaun atu simu poder lokal ne’e no congratula tebes oportunidade nebe CNE loke hodi nune ami bele hato’o misaun no vizaun ba publiku tomak .” hateten Luis Dos Santos.
Entretantu: aktividade debate publiku entre lideransa partidus nee sei realiza iha loron 30 fulan setembru nee, no sei hetan partisipasaun husi reprezentate partidu politiku asentu parlamenta hanesan CNRT, FRETILIN, PD, KUNTU, PLP.
jornalista; Veru
editor ; EL
