Lospalos, RCL VP,10-02-2026: Responsavel ba projetu Abastesimentu Sistema Be’e Mos iha Kapital Lospalos Vila husi Contractor “Beijing Urban Construction Group CO, LTD” lori Consultant Kunhwa Dongsung hala’o audiénsia ho Autoridade Munisipál Lautém konba implementasaun projetu Sistema Bee Moos iha Área Urbana Lospalos Vila, iha Sala VIP Adutoridade Munisipál Lautém.
Reprezentante Prezidente Autoridade Munipál Lautém, Sekretáriu Munisipál Planeamentu Investimentu no Dezenvolvimentu Integradu Tibursio dos Santos mos, Agradese ba Contractor “Beijing Urban Construction Group CO, LTD, no Consultant Kunhwa Dongsung ne’e ho objektivo atu bele fo ideia ba malu ne’ebe foka liu ba atividade Abastesimentu Bee Mos nian iha area urbana Postu Lospalos Vila nian iha Munisípiu Lautém.
‘’Hau Agradese ba Contractor “Beijing Urban Construction Group CO, LTD, no Consultant Kunhwa Dongsung hala’o audiensia, atu nune’e bele fo ideia ba malu ne’ebe foka liu ba atividade Abastesimentu Bee Mos nian iha area urbana Postu Lospalos Vila nian iha Munisípiu Lautém,tamba projetu Sistema Be Mos ne’e hala’o ona lansamentu iha tinan kotuk iha loron 31 Outobru 2025, husi , Primeiru Ministru (PM-RDTL) Kay Rala Xanana ba projetu Abastesimentu Bee Moos iha area Urbana Postu Lospalos Vila nian,Tanba ida ne’e bainhira iha implementasaun mak Kompaña hasoru difikuldade no problema bele komunika ho Autoridade Munisipál Lautém hodi bele resolve problema sira ne’e, tanba ida ne’e entre Contractor no Autoridade Munisipál Lautém tenke servisu hamutuk, atu nune’e implementasaun Projetu Abastesimentu Bee Moos ne’e la’o ho di’ak.”
Entertantu projetu Abastesimentu Bee Moos iha área Urbana Lospalos Vila sei responsavel husi Contractor “Beijing Urban Construction Group CO, LTD” husi nasaun China ho Orsamentu hamutuk $17, 012,327.59.
jornalista : sis
editor : El
