Lospalos rcl vp 17-11-2025=Ekipa Prezidensial da Repúblika, ofisialmente distribui material konaba kompetisaun Arte Públika nian ba Autoridade Munisípiu Lautém, ho tema sentral “𝗣𝗿𝗼𝗺𝗼𝘃𝗲 𝗨𝗻𝗶𝗱𝗮𝗱𝗲, 𝗔𝗺𝗶𝘇𝗮𝗱𝗲 𝗻𝗼 𝗞𝗼𝗹𝗮𝗯𝗼𝗿𝗮𝘀𝗮𝘂𝗻 𝗶𝗵𝗮 𝗩𝗮𝗹𝗼𝗿 𝗙𝘂𝗻𝗱𝗮𝗱ó𝗿 𝗔𝗦𝗘𝗔𝗡” ho objetivu atu promove Dame no Unidade, ne’ebé envolve husi Artista no Pintor sira iha kada Munisípiu espesial iha Munisípiu Lautém, hodi haburas sidadania hafurak espasu publiku iha kada Munisípiu no hametin parseria. iha sala VIP Administrasaun Autoridade Munisipio lautém
Reprezentante Prezidente Autoridade Munisipál Lautém, Sekretáriu Munisipál Administrasaun no Finansas, fransisko do santos enkoraja ba joven foin sa’e sira ne’ebe naran selesionadu atu tuir eventu Kompetisaun Pintor Públiku ida ne’e, tenke ho responsabilidade ba Pintura ne’ebé sei dezena.
‘’ hau Enkoraja ba joven foin sa’e sira ne’ebe naran selesionadu atu tuir eventu Kompetisaun Pintor Públiku ida ne’e, tenke ho responsabilidade ba Pintura ne’ebé sei dezena.nune’e nafatin apoiu ba kualker atividade husi nasional, Ajensia no Parseiru dezenvolvimentu sira seluk inklui NGO lokal, Nasional no Internasional sira bainhira iha benefisiu ba Povu. No Programa ne’ebé Prezidensial hala’o ne’e kona-ba Arte Públika ne’ebé envolvimentu husi Komunidade no Artista Pintor Lokál liu husi konkursu nasional ida hodi kria obra iha espasu publiku kada Munisípiu la inklui RAEOA, tamba limitasaun Orsamentu.’’ Hateten Sekretáriu Munisipál Administrasaun no Finansas, fransisko do santos iha sala VIP Administrasaun Autoridade Munisipio lautém Quinta Feira 13/11/2025
Alende Ekipa Prezidensial da Republika Distribuisaun Materiais ba Autoridade Munisipál mak hanesan Tinta hamutuk 5 kompostu husi Tinta Dasar Balde Bot ida, tinta Kor 5 mak hanesan Tita Kor Mean, Kinur, Azul no Metan inklui koas Rol no Koas,Pinsel.
Entertantu: Programa Arte Públika ne’e hetan finansial husi Prezidensial da Republika no apoiu Instituisionál no Koordenasaun husi Sekretáriu Estadu Arte no Kultura (SEAK).
Jornalista;silisi
Editor;El
