LOSPALOS, RCL VP,22-10-2025: ema deskonesidu tuda janela edifisiu servisu Munisipal Turismu e Ambiente Munisipiu Lautem hodi rezulta too vidru janela rahun.
Diretor Servisu Munisipal Turismu e ambiente Munisipiu Lautem Delcio da Costa Quimaraes hateten, kronologia ba akontesimentu ne’e ema deskonesidu tuda rahun zanela refere, no la rezulta material lakon ka rahun iha edifiisu laran.
“Iha akontesimentu vidru rahun nee ami nia kalkulasaun ne’e akontese iha sabadu kalan ou domingo kalan, tamba segunda to’o sesta ami serbisu aktivu hela vidru diak hela mais ohin ami tama serbisu ami hare kondisaun vidru hanesan nee ona, sasan iha laran diak hela, soke vidru mak rahun no iha leten ne mos rahun,tamba akontesimentu nee laos foin mak akontese maibe iha tinan kotuk mos ena deskonesidu foti tali bandeira RDTL, estraga vidru, estraga pipa bee nian, no mos grand tenki nian hodi rezulta too ohin loron edifisiu nee laiha bee mos,no sanyu atu supa bee ladiak ona. depois tangi pipa iha leten mos ema silu tohar. no parede mos rahun hotu.” Hateten Diretor Servisu Munisipal Turismu e ambiente Munisipiu Lautem Delcio da Costa Quimaraes 20/10/2025
Delcio hatutan tan katak, durante ezistensia servisu munisipal turismu e ambiente too ohin loron laiha seguransa civil atu asegura edifisiu refere
” Ami seguransa ba servisu munisipal turismu e ambiente hahu operasaun iha Lautem too agora laiha, nebe durante ami hatoo pedidu ba parte seguransa social Munisipiu mos sira nia pesoal la too par atu distribui ba edifisiu hotu, ba Diresaun Nasional mos ami informa ba asuntu nee too agora seidauk resposta.”
Entretantu tuir observasaun jornalista Rcl nota iha terenu katak dadaun nee portaun edifisiu refere la seguru, tamba hetan estragus husi ema deskonsidu, laiha bee mos atu uza ba haris fatin, moru nebe halue nee badak no laiha arame atu taka nune fasil ba ema atu tama hodi esraga sasan edifisiu nian.
jornalsista: veru.
editor ;El
