Lospalos RCL VP 26-08-2025; Embasada Portugal iha Timor Lesta halao kordenasaun servisu hamutuk ho presidente Autoridade Munisipal Lautem kona ba Projectu Konstrusaun no Rehabilitasaun iha suku Tutuala Postu Lautem, iha Sala Gabinete Prezidente Autoridade Munisipál Lautém.
Prezidente Autoridade Munisipál Lautém, Melio de Jesus hateten ,objective ba vizitasaun Embaixadora Portugal iha Timor-Leste ne’e atu halo koordenasaun servisu, relasiona ho konstrusaun Edifísiu foun ba Sentru Civika Kultural Nino Conis Santana nian, no halo mos reabilitasaun Kampu fotibol iha Suku Tutuala.
‘’Objective ba vizitasaun Embaixadora Portugal iha Timor-Leste, atu halo koordenasaun servisu, relasiona ho konstrusaun Edifísiu foun ba Sentru Civika Kultural Nino Conis Santana nian, no reabilitasaun Kampu fotibol iha Suku Tutuala,tamba ne’e Autoridade Lautem mos apoiu nafatin ba programa husi korpu bilaterál sira no parseiru dezenvolvimentu sira, hodi hala’o ba kualkér atividade ne’ebé fó benefísiu ba Povu lautem.”
Melio de Jesus mos hateten, liu husi kordenasaun ne’e Embaixadora Portugal iha Timor-Leste sei Konstrusaun ba Sentru Civika Kultural Nino Conis Santana nian iha Postu Administrativu Tutuala, Suku Tutuala.
‘’Embaixadora Portugal iha Timor-Leste mai iha Administrasaun Autoridade Munisipál Lautém hodi halo koordenasaun ba actividade balun ne’ebé sei finansia husi Embaixada Portugal, hanesan Konstrusaun ba Sentru Civika Kultural Nino Conis Santana iha Postu Administrativu Tutuala, Suku Tutuala tamba Embaixadóra Portugal esplika, iha fulan Outobru komesa hahú ona konstrusaun ba Sentru Civika Kultural Nino Conis Santana, nune’e fin do Ano ba tinan oin bele halo inaugurasaun ba projetu refere, inklui mós Embaixadora aprezenta kona-ba reabilitasaun kampu fotibol iha Postu,Aleinde ida ne’e, Embaixadora Portugal iha Timor-Leste mós aprezenta proposta ida kona-ba reabilitasaun Kapela São José iha Suku Tutuala, maibé proposta ida ne’e sei ko’alia ho Bispo Diocese Baucau, Dom Leandro Maria Alves, atu hala’o reabilitasaun kapela iha Postu Administrativu Tutuala,no Embaixadóra mós aprezenta proposta ida tan mai iha Autoridade Munisipál Lautém ba Patrimonia Estadu nian hanesan uma antiga tempu portugeza nian hamutuk 4 iha Suku Moru Postu Administrativu Lautém, tanba uma ki’ik oan ne’ebé hakerek hela primeiru sokoru sira atu reabilita fatin ida ne’e,Nune’e mós husu atu aumenta aula ba iha Eskola Primaria iha Suku Parlamentu, ne’ebé agora dadaun hela iha, ne’ebé fó hanorin husi Madre sira’’
Jornalista : sisi
Editor: el
