LOSPALOS, RCL VP-22-10-2025: Edifisiu Diresaun munisipal concervatoriu servisu registu notariadu munisipiu lautem espasu la sufisiente atu rai dokumentu no halo atendimentu klientes barak.
Diretur Munisipal concervatoriu registu notariadu munisipiu lautem sabino dias quintas hatete, espasu diresaun refere la sufisiente atu simu no atende klientes sira ne’ebe kada loron aumenta barak, no laiha ona fatin atu rai dokumentus arkivu tamba nee agora dadau dokumentus hirak tenki rai iha haris fatin.
“fatin ne’ebe ami utiliza hodi atende ita nia komunidade sira nee espasu ladun diak ona, arguivi sira ami rai iha armagen nakonu no iha haris fatin mos nakonu, no fatin sira ne’ebe mak ita nia komunidade mai tur mos ladu diak wainhira loron manas no dan mai sira tenki mai hotu uma laran. difisil ba ami atu halo atendimentu ba sira.” hateten sabino dias quintas.
diretur nee saliente, edifisiu refere konstrui ona durante tinan sanolu resin ona maibe seidauk halo rehabilizasaun husi governu tamba nee agora dadaun kakuluk edifisiu hahu fruzu no kuak prejudiza tebes funsionariu sira iha tempu udan tamba udan tama.
“uma nee desde hari iha 2010 too ohin loron nem hetan rehabilitasaunmos laiha kakuluk kalen kuak hotu wainhira udan aredores sira balun bokon hotu, nebe nia kondisaun ladun favorese ba ami atu halo atendimentu.”dehan sabino.
Sabino mos hateten, problema hirak nee, nia parte ralata ona ba diresaun nasional inklui ba administrasaun munisipiu lautem maibe too ohin loron seidauk iha rezultadu.
“ida nee ami hatoo bei-beik ona ba diresaun geral pelu menus apoiu orasamentu ruma ba ami atu mos laiha, ami hatoo proposta mos ba administrasaun munisipiu no sira konsidera atu halo rehabilitasaun iha 2024 mais no fin kansela fali.”
Entretantu tuir observasaun jornalista RCL nota iha ternu katak, kakuluk edifisiu kontinua fruzu, didin fondasi hahu nakloke, espasu ba kliente klot, no arqivu balun rai iha koridor edifisiu.
jornalista : veru.
Editor: El
